ବଢ଼ି ଚାଲ ବନ୍ଧୁ ଦେଖି ନିଅ ଆଗେ
ଜୀବନର ଜଳଛବି
ଲଢ଼ି ଚାଲ ତୁ ହିଁ କାମେ ଅହରହ
ହୋଇ ଜଣେ ଭାବ କବି ।
ଶ୍ରମରେ ଖୋଳିଲେ ରତ୍ନଗର୍ଭା ମାଟି
ଢାଳି ଦେବ ତା’ର ସାର
ଅଳସୁଆ ହୋଇ ନିନ୍ଦଇ କର୍ମକୁ
ବୋହି କ୍ଷୋଭାସିକ୍ତ ଭାର ।
ରହିଯାଏ ଯେବେ ଭୁଲ କେଉଁ ବେଳା
ଚିନ୍ତି ବାର ନାହିଁ ତିଳେ
ଲଢ଼ିବା ଭାବନା ବଢ଼ାଇବ ଆଗେ
ନିଜର ଅସୀମ ବଳେ ।
ଭାବିବା କାହିଁକି ଆଗେ ମାଡ଼ିଯିବା
ଉଡ଼ାଇ ବିଜୟ ବାନା
ଜୀବନ ନୁହେଁ ତ ହାରିବାର ଖେଳ
ନ ଶୁଣି କାହାରି ତାନା ।
– ଆଶୁତୋଷ ମେହେର
Comments
ଆଶୁତୋଷ ମେହେର
ଆଶୁତୋଷ ମେହେର ଜଣେ ଅବସର ପ୍ରାପ୍ତ ଭାରତୀୟ ଷ୍ଟେଟ ବ୍ୟାଙ୍କର ଅଧିକାରୀ । ସେ ଓଡ଼ିଆ ଭାଷା ସମେତେ ସମ୍ବଲପୁରୀ ଭାଷାରେ ବିଭିନ୍ନ ପ୍ରକାରର କବିତା ରଚନା କରିନ୍ତି । ତାଙ୍କର ନିଜସ୍ୱ କେତୋଟି କବିତା ସଂକଳନ ପ୍ରକାଶିତ ହୋଇଛି ।
