ହେ ଗାନ୍ଧୀ ତୁମେ ଆଜି ନାହଁ ସତ,
ଆଜିବି ତୁମକୁ ଝୁରୁଛି ଜଗତ ॥
ତୁମ ବଜ୍ରବାଣୀ ଏବେବି ସ୍ପନ୍ଦିତ,
ଜାତୀୟ ଆତ୍ମାରେ ଚିର ଉଜ୍ଜୀବିତ ॥
ଏ ମାଟି ତୁମ ସ୍ମୃତିରେ ମହକିତ,
ତୁମ କୀରତି ଇତିହାସେ ବର୍ଣ୍ଣିତ ॥
ତୁମ ଆହ୍ୱାନେ ଜାଗିଥିଲା ଭାରତ,
ଇଂରେଜମାନଙ୍କୁ କରିଣ ଚକିତ ॥
ଅହିଂସା ଧର୍ମକୁ କରିଥିଲ ଅସ୍ତ୍ର,
ସେହି ଅସ୍ତ୍ରେ ହେଲା ସ୍ଵାଧୀନ ଭାରତ ॥
ବିଖଣ୍ଡିତ ହେଲା ସ୍ଵାଧୀନ ଭାରତ,
ଭାଙ୍ଗିଯାଇଥିଲା ତୁମରି ମନ ତ ॥
ସତ୍ୟକୁ ଜୀବନେ କରିଥିଲ ବ୍ରତ,
ସେ କଥା ସୁମରି ଝୁରଇ ଜଗତ ॥
ମୃତ୍ୟୁ କଥା ତୁମ ଲାଗେ ଆଚମ୍ବିତ,
କ୍ଷମା କରିଥିଲ ଆତତାୟୀକୁ ତ ॥
ଆହେ ସତ୍ୟାଶ୍ରୟୀ ଆଜିବି ତୁମରି
ଶାଶ୍ଵତ ବାଣୀକୁ ହେଉଛୁ ସୁମରି ॥
– ରାଜେଶ୍ୱରୀ ପଣ୍ଡା
Comments
ରାଜେଶ୍ୱରୀ ପଣ୍ଡା
ରାଜେଶ୍ୱରୀ ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
