ଆସି ଗଲାରେ ଆସିଗଲା
ରଜ ପରବ ଆସିଗଲା,
କୋରୋନାର କରାଳ କାୟରେ,
ମନରୁ ସରାଗ କମିଗଲା ॥
ମଉଳି ଯାଇଛି ରଜ ଖୁସି ଏଠି
ଦେଖା ଯାଉଅଛି ଶ୍ରୀହୀନ,
ଶୁଣା ଯିବ ନାହିଁ ରଜ ଗୀତ
କୋରୋନା ପ୍ରଭାବେ ହୋଇଛି ଲୀନ ॥
ଦୋକାନ ବଜାର ସବୁ ବନ୍ଦ ଅଛି
ଡ୍ରେସ୍ ପାଉନାହିଁ କୁଆଁରୀ ଝିଅ,
ଏ କୋରୋନା କାଳରେ ରଜରେ
ନାହିଁ ମଉଜ କେମିତି ପାଳିବୁ କୁହ ॥
ମନ ଊଣା କରି ଟିକି ଝିଅଟି
କହୁଛି ପରା ମଆଲୋ,
ରଜ ସଜପାଇଁ ମେହେନ୍ଦି
ଅତର ଆଲିତା କାହିଁଲୋ ॥
ରଜ ଦୋଳି ନାହିଁ ସାଙ୍ଗସାଥୀ
ମେଲ ନାହିଁ ମାସ୍କ୍ ପିନ୍ଧ ଯାଇ,
ଯିବ ଚାଲି ଯେବେ ଏଇ ଭାଇରସ୍
ସେବେ ପାଳିବ ରଜ ଏକାଠି ହୋଇ ॥
ଓଡ଼ିଶାର ଗଣ ପର୍ବ
ଓଡ଼ିଆ ଜାତିର ଗର୍ବ,
ରଜ ପର୍ବ ପରି ସୁଖ ଆନନ୍ଦ
ଆଉ କେଉଁ ପର୍ବ ହେବ ॥
ନାହିଁ ଏ ବରସ କେଉଁ ପରବରେ
ସୁଖ, ନାହିଁ ଏଠି ମଉଜ,
କୋରୋନା ଭାଇରସ ଦେଇଛି
ବିଗାଡ଼ି ହେବେ ନାହିଁ କେହି ସଜ ॥
ସଭିଙ୍କର ସୁଖ ନେଇଛି ଛଡ଼ାଇ
କେମିତି ପାଳିବେ ରଜ,
ଏ ଭାଇରସ ଯାହା କରାଯାଉଛି
କରିବା ନାହିଁ ଜମାରୁ ମଉଜ ॥
– ସମ୍ବିତ ଦାଶ
Comments
ସମ୍ବିତ ଦାଶ
ସମ୍ବିତ ଦାଶ ଓଡ଼ିଆ ଭାଷାରେ ବିଭିନ୍ନ କବିତା ରଚନା କରନ୍ତି । ସେ ଜଗତସିଂହପୁର ଜିଲ୍ଲାର ଏରସମାସ୍ଥିତ ପଲ୍ଲୀକଣ୍ଟାଠାରେ ଜନ୍ମଗ୍ରହଣ କରିଥିଲେ । ତାଙ୍କ ରଚିତ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
