ଜଗତେ ଫୁଟିଛି କେତେଜାତି ଫୁଲ
ଅଛନ୍ତି ତୋ’ ସହୋଦର
କି ଗୁଣ ଭରିଛି ତୋରି ଦେହରେ
ପାଉଛୁ ଏତେ ଆଦର ।
ଶଙ୍କରଙ୍କ ଲାଗି ତୁହି ଅଟୁ ପ୍ରିୟ
ତୋ’ ନାମ ରହଛି ଜଗତେ
ଭକତି ଭାବରେ ହୋଇଛନ୍ତି ପ୍ରୀତ
ପୂଜୁବୋଲି ବିଧିମତେ ।
ଗାଉଅଛୁ ତାଙ୍କ ସ୍ତୁତିର ବନ୍ଦନା
ଚରଣରେ ସଦା ତୁହି
ଭକତି ଭାବକୁ ଚିହ୍ନନ୍ତି ବୋଲି ତ
ହସିଉଠେ ଏଇ ମହୀ ।
ତୋ’ ରୂପ ନିଆରା ଦିଶୁ ମନୋହର
ବାସନା ଅଟଇ ଭିନ୍ନ
ପତ୍ରଦେହେ ତୋ’ର ଔଷଧୀୟ ଗୁଣ
ରୋଗୀପୀଡ଼ା ପାଇିଁ ଦାନ ।
ଫୁଲର ଗର୍ଭରେ ଫୁଲଟିଏ ହୋଇ
ଲୁଚିଅଛୁ ତାହା ମଧ୍ୟେ
ଏକ ଦୁଇ ତିନି ବିବିଧ ପ୍ରକାର
ରଙ୍ଗବୋଳି ଦେଉ ରନ୍ଧ୍ରେ ।
ଫଳଦେହେ ଭରା ବିଷର କଣିକା
ମଞ୍ଜିରୁ ହେଉ ତୁ ଜାତ
ବିଷ କଣିକାରେ ଅମୃତର ସତ୍ତା
ଯୁଗେଯୁଗେ ପ୍ରଣିପାତ ।
– ସରୋଜ କୁମାର ସାହୁ
Comments
ସରୋଜ କୁମାର ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
