ଅଭାଗା ହତଭାଗା
ସତେ ଅବା ତଟିନୀ ।
ଗିରି ପରିତ୍ୟକ୍ତା
ସାଗର ବିରହିଣି ।୦।
ଶରୀରେ ଆବଦ୍ଧ
ଲୋଭ କାମେ ବଶ
ବ୍ରହ୍ମ ତ୍ୟାଗି ବ୍ରହ୍ମ ଲାଗି
ଆତ୍ମେ ତତ୍ତ୍ୱ ହ୍ରାସ ।
ଅଚଳ ଅବିଚଳ
ସତେ ଅବା ପଥର
କ୍ଷର ପ୍ରତିକ୍ଷଣେ
ତଥାପି ଅକ୍ଷର ।୧।
ନିଶବ୍ଦ ନିଶାର୍ଦ୍ଧ
ମେଘ ଦେହେ ସୁପ୍ତ
ଘର୍ଘର ଶବ୍ଦ ସହ
ନଭେ ହୁଏ ବ୍ୟାପ୍ତ ।
ଚପଳା ଲାଜବୋଳା
ସତେ ଅବା ବିଜୁଳି
କ୍ଷଣିକ ଆୟୁଷ
ଯାଏ ଖାଲି ଜଳି ।୨।
– ଅଖିଳ ପାଢ଼ୀ
Comments
ଅଖିଳ ପାଢ଼ୀ
ଅଖିଳ ଚଦ୍ର ପାଢ଼ୀ ପେଶାରେ ଜଣେ ଚାଟର୍ଡ଼ ଆକାଉଣ୍ଟାଣ୍ଟ ଏବଂ ନିଶା ତାଙ୍କର ଗପ କବିତା ଆଦି ଲେଖିବା । ଫାଙ୍କା ସମୟରେ ସେ ଋକ୍ ବେଦ ସହ କିଛି ବେଦ ତଥା ପୂରାଣ ଆଦିର ଓଡ଼ିଆ ଅନୁବାଦ କରନ୍ତି ଏବଂ ଗୁଗଲ୍ ଟ୍ରାନ୍ସ୍ଲେଟ୍ ଭଳି କିଛି ସ୍ଥାନରେ ମଧ୍ୟ ତାଙ୍କର ଅବଦାନ ରହିଛି ।
