ଆରେ ବାଇଆ…
ବସିଛୁ କାହିଁ ମନକୁ ମାରି
କାମରେ ତୋର କରୁଛୁ ଡେରି,
ବେଳ କାଳ ତତେ ଜଣା ପଡ଼ୁନି
କିସ ଭାବୁଛୁ ବୁଝି ହଉନି ।
ବାପା ହୋଟେଲରେ ଖାଉଚୁୁ
ନିଇତି ଟିକିଏ ପିଉଚୁ,
ମୋବାଇଲ ନୀତି କେଞ୍ଚୁଚୁ
ଥେଇଥେଇ ଖାଲି ହଉଚୁ ।
ପାଟିରେ ଗୋଟେ ଗୁଟୁଖା ଭରି
ଦେହରେ ଟିକେ ଅତର ମାରି
ଚାଲିଲେ ବାବୁ ଲାଇନ ମାରି…
ବାଇଆ ଆମ ଭାରି ରସିକ
ପ୍ରେମରେ ଗଲା ଛନ୍ଦି,
ଆର ଗାଁର ମିନିକୁ ନେଇ
ଫେରାର ହେଲା…
ଖୋଜୁଥା ଗଳି କନ୍ଦି ।
ବୁଲି ବୁଲିକି ଘର ଆସିଲେ
ହେଲେଟି ଏବେ ବାହା,
ବର୍ଷକ ପରେ ହେଲା
ଗୋଟିଏ ଛୁଆ ।
ଟଙ୍କା ପଇସାର ଅଭାବ ହେଲା
ଖଟି ଖଟିକି ଜୀବନ ଗଲା…
ବାଇଆ ମନ ଘର ଧରିଲା
ଏବେ ମୁଣ୍ଡରେ ବୁଦ୍ଧି ପଶିଲା,
କାହିଁକି ହେଲି ବାହା
ପାଉନାହିଁ ମୁଁ ରାହା ।
– ଜଗନ ବେହେରା
Comments
ଜଗନ ବେହେରା
ଜଗନ ବେହେରା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
