ମନସମୁଦ୍ରର ବାଲୁକାପ୍ରସ୍ତରେ
ଆଙ୍କି ଦେଲି ଛବି ତୁମର
ସାରା ଜୀବନ ପ୍ରତିମୂହୁର୍ତ୍ତ ସାଥି ହୋଇ
ରହିବ ବୋଲି ମୋ ଏକାନ୍ତର ।
ଭାବୁଥିଲି ସଦା କେଉଁ ରଙ୍ଗ, କେଉଁ ତୁଳୀରେ
ଆଙ୍କିବି ଛବି ତୁମର
ଯା’ ଦ୍ଵାରା ତୁମେ ହେବ ଅନୁପମ ଅଦ୍ଵିତୀୟ ସୁନ୍ଦରୀ
ମୋ ପ୍ରେମ ଜଗତର ।
ଶୁଣିଲି ତୁମେ ପରା
ଅନ୍ୟ କାହାକୁ ଭଲ ପାଅ !!
ଆଉ କାହାରିର ଏକାନ୍ତର
ସାଥି ହୋଇଯାଇଛ !!
ପ୍ରଶ୍ନ ପରେ ପ୍ରଶ୍ନ କଲି, ବାରମ୍ବାର କରିଲି
ପ୍ରତି ମୁହୂର୍ତ୍ତରେ ମନକୁ ପଚାରିଲି
ସଦାସର୍ବଦା ଉତ୍ତର ଗୋଟିଏ ହିଁ ପାଇଲି,
ହଁ…ହଁ…ହଁ… ।
ହାତରେ ହାତରେ ଛନ୍ଦି, ଚୁପ ହୋଇ ବସିବା ଛଡ଼ା
ଆଉ ବା’ କ’ଣ କରିବି???
ଦୁଃଖ ଦେଇ ତୁମକୁ ଏ ଜୀବନେ
କିପରି ମୁଁ ଶାନ୍ତିରେ ବଞ୍ଚିବି????
ଆଶା ପଛେ ମୋର ମାଟିରେ ମିଶିଯାଉ
ସ୍ଵପ୍ନ ପଛେ ଭାଙ୍ଗି ଚୁରମାର ହେଇଯାଉ
ଖୁସିରେ ରୁହ ତୁମେ ସଦା
କାମନା ଏତିକି ଗୋ ମୋର ପ୍ରିୟତମା ।
– ନଳୀନି କାନ୍ତ ଦାଶ
Comments
ନଳୀନକାନ୍ତ ଦାଶ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
