ପଞ୍ଚ ଦିନ ପ୍ରଭାତରୁ ସ୍ନାନ ସାରି ତୁରିତେ
ଲୟ ରଖ ମନ କୃଷ୍ଣ ପାଦେ ।
ଭାଗବତ ଗାନ କର ଜଗନ୍ନାଥଙ୍କୁ ସୁମରି
ପ୍ରଭୁ କୃପା ଲଭିବୁ ତେବେ ॥
ତୁଳସୀ ଦେବୀଙ୍କୁ କମଳେ କର ଜଳ ଦାନ
କୃପା କରିବେ ହେ ନାରାୟଣ ।
ଚକ୍ରଧାରୀ ଲକ୍ଷ୍ମୀକାନ୍ତ ପାପ କର ନାଶନ
ତବପଦ୍ମ ଯୁଗଲେ ମୋର ଧ୍ୟାନ ॥
ସନ୍ଧ୍ୟା ସମୟେ ଦୀପ ଜାଳି ତୁଳସୀ ମୂଳେ
ସନ୍ଧ୍ୟା ସୁମରି ଯାଉ ଦିନ ମଙ୍ଗଳେ ।
ପବିତ୍ର କାର୍ତିକେ ତୁଳସୀ ଅଟେ ପୁଣ୍ୟ ବତୀ
ମିଳିଣ ସେବା କର ନରନାରୀ ସର୍ବେ ॥
ଭାଗବତ ଗାନ କରି ହରି ବୋଲ ଦେଇ
ହୁଲ ହୁଲିରେ ଘର ଉଠେ ପୂରି ।
ନାମ ସଂକୀର୍ତ୍ତନେ ଆନନ୍ଦେ ବିତି ଯାଏ ଦିନ
ଧରି ହରେ କୃଷ୍ଣ ହରି ନାମ ॥
ଏ ମହା କାର୍ତ୍ତିକେ କର ହରି ନାମ ଶ୍ରବଣ
ମଣିଷ ଜନ୍ମୁ ଅଧମ ହେବୁ ପାରି ।
ପରମାତ୍ମା ସେ ପ୍ରଭୁ ଦେବକୀଙ୍କର ନନ୍ଦନ
ଦୟା କ୍ଷମା ଯାହା ଅଛୁ ହୃଦେ ଧରି ॥
ପୁଷ୍ପ ସମ ସମସ୍ତଙ୍କୁ ଆଦରର ରଖ ଭାବ
ତିଳେ ହେଲେ କାହାର ନ କରି ମନ୍ଦ ।
ସାଧୁ ଜନ ଗୁରୁ ପାଦେ କର ହେ ପ୍ରଣାମ
ତାଙ୍କ ଆଶିଶେ ମିଳେ ଆତ୍ମ ଜ୍ଞାନ ॥
ମିଳଇ ନାହିଁ ତୃପ୍ତି ଆନନ୍ଦ ନାହିଁ ଯଦି ଶ୍ରଦ୍ଧା
ସେ ଲୀଲାମୟଙ୍କୁ ସଦା ଭଜିବା ।
ଆହେ ମୁରଲୀଧର ଲୀଲା ତୁମ ଅଗୋଚର
କାହୁଁ ଜାଣିବି ମୁଁ ତବ ନାମ ଧରିବା ॥
ସନ୍ଥ ଜନ ନୁହଇ ମୁଁ ଅଧମ ନର ଛାର
ଚିତ୍ତ ଥାଉ ତୁମ ନାମ ଜପି ଜପିବା ।
ପଞ୍ଚକ ବ୍ରତର ଫଳ ପୂର୍ଣ୍ଣମୀରେ ମିଳେ
ବୋଇତ ବନ୍ଦାଣ ପ୍ରଭାତୁ କରିବା ॥
– ପ୍ରକାଶ ମେହେର
Comments
ପ୍ରକାଶ ମେହେର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
