ତମେ ସିନା ବୁଝିପାରନି
ମୋତେ, ମୋ ଭାବନାକୁ
ହେଲେ କେବଳ ତମେ ହିଁ ଥାଅ
ମୋ ଭିତରେ, ମୋ ସ୍ପନ୍ଦନେ ।
ଯେତେବେଳେ ଦୁଇଆଖି
ଚାହିଁରହେ କାହାକୁ
ସେହି କାହାକୁ ହିଁ ତମେ
ଯେତେବେଳେ ହୃଦୟ ଖୋଜେ
ଆଉ ଗୋଟେ ହୃଦୟକୁ
ସେହି ହୃଦୟ ହିଁ ତମର ଥାଏ ।
ବୁଝିପାରନି ତମେ
ମୋ’ ହୃଦୟର ଅକୁହା ଆବେଗ
ଅନେକ ଥର କହିଲା ପରେ
ସହି ପାରେନି ଏ ହୃଦୟ
ଆପଣାର ମଣିଷ କାହାକୁ ଯେବେ
କରିନିଏ ନିଜର ।
ରାତି ରାତି ଚେଇଁ
ସ୍ୱପ୍ନ ଦେଖୁଥିବା ହୃଦୟ
କାଳକ୍ରମେ ପାଲଟି ଯାଏ ପଥର
ଶତବାର ଚେଷ୍ଟା ସତ୍ତ୍ୱେ ବିଫଳହୁଏ
ତମକୁ ଭୁଲିବାର !
ତମେ ଆସିବ ସେହି ଅପେକ୍ଷାରେ
ବାସ୍ତବରେ ନୁହେଁ ସ୍ୱପ୍ନରେ
କାରଣ ଏବେ ତମେ ଆଉ କାହାର !!
– କାହ୍ନୁ ଚରଣ ସାହୁ
Comments
କାହ୍ନୁ ଚରଣ ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
