ହେ ମୋ ଉତ୍କଳ ମୋ ଜନନୀ
ପବିତ୍ର ଭୂମି, ସବୁଜିମା, ତଟିନୀ
ପ୍ରାଣ ତୁ ଏ ଓଡ଼ିଆ ଜାତିର
ତୋ’ ପାଇଁ ଝରେ ସମ୍ମାନ ନିର୍ଝରଣୀ ।
ଜନ୍ମ ନେଇ ତୋ’ କୋଳେ ହେଇଛି ଧନ୍ୟ
ତୋ ପବିତ୍ର ମାଟି ବୋଳି ହେଇ ଦେହେ
ଲୋଟିଛି ସେଥିରେ ଭାବି ତତେ ଫଗୁ
ପାଇଛି ତୋ’ ସ୍ନେହର ବାସ୍ନା ଯାହା ଅନନ୍ୟ ।
ଜୀବନ ତରି ତୁ କେତେ ଜୀବିକାର
ତୋ’ ମହାନଦୀ ମୂକସାକ୍ଷୀ ତାହାର,
ତୋ’ ପଣତ ଉପରେ ଏ ଓଡ଼ିଆ ନିର୍ଭର
ଶୁଝି ହେବନି ଏ ଜନ୍ମେ ଋଣ ତୋହର ।
ଜନ୍ମ ଜନ୍ମ ତପସ୍ୟାର ଫଳରେ
ଜନ୍ମ ମିଳେ ଏ ଉତ୍କଳ ମାଟିରେ
ଯୋଉଠି ଉତ୍କଳ ଶିରୋମଣି ଘର
ଜଗତର ନାଥ କଳା ଠାକୁରର ।
ପ୍ରଣାମ ତତେ ମୋ ଜନନୀ
ତୋ’ ସେବାରେ ଏ ଜୀବନ ଯାଉ
ଏତିକି କାମନା କରେ ତୋ’ ସନ୍ତାନ
ଗର୍ବରେ ଗାଇ ବନ୍ଦେ ଉତ୍କଳ ଜନନୀ ।
– ସୁଶ୍ରୀ ସଙ୍ଗୀତା ସେଠୀ
Comments
ସୁଶ୍ରୀ ସଙ୍ଗୀତା ସେଠୀ ଓଡ଼ିଆ ଭାଷାରେ ବିଭନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ପ୍ରସଙ୍ଗଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
