ଡାକ୍ତରଙ୍କ ମୁଖୁ ଝିଅଟିଏ ବୋଲି ଶୁଣିକରି ପିତାମାତା,
ହଁ କହନ୍ତି ପଦେ ତଳମୁହାଁ ହୋଇ ଏଇଟା ଭାଇ କି କଥା?
ଆଗରୁ ଜାଣିଲେ ଝିଅ ହେବ ବୋଲି କରିଥାନ୍ତି ଗର୍ଭ ନଷ୍ଟ,
ଯଦି ବଞ୍ଚିଯିଏ ମୁଣାଟିରେ ଭରି ଫିଙ୍ଗନ୍ତି ନଲାଗେ କଷ୍ଟ ।
ନାଳ ନର୍ଦ୍ଦମାରେ ଦିନ କଟିଥାଏ ଶିଶୁକନ୍ୟା ସେ ନିଷ୍ପାପ,
ଝିଅଟିଏ ହେଇ ଧରାକୁ ଆସିବା ହୋଇଗଲା ଅଭିଶାପ ।
ପିତାମାତାଙ୍କ ମନର ଭାବନା ଝିଅଟିଏ ଯଦି ହେବ,
ଖୁଆଇ ପିଆଇ ପୋଷିଥିବ ସିନା ଦିନେ ସେ ଦୂରେଇ ଯିବ ।
ଝିଅର ଜନମ ପରର ଏହି ତ ବିଧିର ବିଧାନ,
ପୁଅଟିଏ ହେଲେ ହରି ଦୁଃଖକଷ୍ଟ ପାସେଥିବ ଚିରଦିନ ।
ଲକ୍ଷ୍ମୀଙ୍କ ପ୍ରତିମା ସେହି ଝିଅଟିଏ କହେମୁହିଁ ବାରମ୍ବାର,
ସେହି ଝିଅଟିକୁ ବଞ୍ଚିବାକୁ ଦିଅ ନ ହୁଅ ଏତେ ନିଷ୍ଠୁର ।
– କୃଷେନ୍ଦୁ ହୋତା
Comments
କୃଷ୍ଣେନ୍ଦୁ ହୋତା ବଲାଙ୍ଗୀର ଜିଲ୍ଲାର ସରଗଡ଼ା ଅଞ୍ଚଳର ବାସିନ୍ଦା, ଯିଏକି ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗଳ୍ପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
