ସତ୍ୟ କହିହୁଏନା
ସତ୍ୟକୁ ନିଜ ଲୋକମାନେ ବି
ଲୁଚେଇ ଦିଅନ୍ତି
ସତ କହିଲେ ପାଗଳାମିର ଆକ୍ଷ୍ୟା ମିଳେ,
ଯିଏ ନିଜ ଭୁଲ ପାଇଁ
ସତ କୁହେ ନାହିଁ
ସେ ହିଁ ଅନ୍ୟକୁ ଆରୋପ କରେ ।
ହଉ ହେଲା-
ସେପରି ଲୋକଙ୍କୁ ଭୁଲିଯିବା
ଦରକାର ପଡ଼ିଲେ
ସେମାନେ ବରଫକୁ
ନିଆଁ ବୋଲି କହିବେ,
ଆରେ ଜୀବନଟା ପରା
ବଡ଼ ଅମୂଲ୍ୟ !
ଖାଲି ସ୍ନେହ-ପ୍ରେମ-ଶ୍ରଦ୍ଧା ଲୋଡ଼ା
ଲୋକେ ତ ସେଥିରୁ ବି
ଫାଇଦା ଉଠାନ୍ତି ।
ସତରେ
ଦୁନିଆକୁ ବୁଝି ହେଉନଥିବା
ଏକ ପହଳି
ବୋଧହୁଏ ବୁଝିଗଲେ
ସତ୍ୟ କହିହୁଏନା ।
Comments
ସୁଧାଂଶୁ ଶେଖର ଦ୍ୱିବେଦୀ
ସୁଧାଂଶୁ ଶେଖର ଦ୍ୱିବେଦୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
