ନହୁଅ ନହୁଅ ସ୍ୱାର୍ଥର ପଥିକ
ସ୍ୱାର୍ଥକୁ ଆହୂତି ଦିଅ,
ସେ ଆହୂତି ନିଆଁ ପ୍ରଜ୍ଜ୍ୱଳିତ ହେଉ
ଉତ୍ପନ୍ନ ହେଉ ଜାତୀୟ ।
ଜାତୀୟତା ପାଇଁ ଦେଇ ବଳିଦାନ
ଜୀବନ କରାଅ ଧନ୍ୟ,
ସ୍ୱର୍ଣ ଇତିହାସ ନହେଉ ପଛକେ
ଜିଣିବୁ ମାଟିମା ମନ ।
ଜାତୀୟତା ହିତେ ନଦୀ ଯେବେ ଯାଇ
ମିଶଇ ସାଗର ବକ୍ଷେ,
ତୁ ଛାର ମାନବ କରୁ ଅହଂକାର
ସରି କିବା ତାକୁ ଦକ୍ଷେ ।
କାଠି ଗୁଚ୍ଛହୋଇ ଥାଏ ଯେବେ ଭାଈ
ଭାଙ୍ଗି କି ପାରଇ କେହି,
ଏକତାରେ ଅଛି ଅସୀମିତ ବଳ
ଅସାଧ୍ୟ ବି ସାଧ୍ୟ ହୋଇ ।
– ସତ୍ୟନାରାୟଣ ପଧାନ
Comments
ସତ୍ୟ ନାରାୟଣ ପ୍ରଧାନ
ସତ୍ୟ ନାରାୟଣ ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
