ଲେଖିଥିଲି ଅନେକ ଚିଠି
ଦେଇ ପାରି ନାହିଁ
ଓଠ ଯାଏ ଆସିଥିଲା ନାଆଁ
କହି ପାରି ନାହିଁ
ଛାତି ତଳେ କେଉଁଠି
ଲୁହର ନଈଟେ ଏ ଯାଏଁ ସାଇତା
ବହି ପାରି ନାହିଁ
ତୋ’ ପାପୁଲିର ଅତି ପାଖକୁ ଯାଇଛି ପାପୁଲି
ଛୁଇଁ ପାରି ନାହିଁ
ଦାଗ ପ୍ରତାରଣାର ଖୁବ୍ ପକ୍କା ଥିଲା ବୋଧେ
କେତେ ଶ୍ରାବଣ ଆସିଲା, ଗଲା
ଧୋଇ ପାରି ନାହିଁ
ତତେ ଭଲ ପାଇବା ପରେ ବି ମୁଁ
ଆହୁରି ଭଲ ପାଇଛି
ହେଲେ ଯେମିତି ତୋ’ର ହେଇଥିଲି, ଆଉ କାହାରି
ହେଇ ପାରି ନାହିଁ…
– ମାନସ ରଞ୍ଜନ ଦାଶ
Comments
ମାନସ ରଞ୍ଜନ ଦାଶ ପେଶାରେ ଜଣେ ସଫ୍ଟୱେର୍ ଇଞ୍ଜିନିୟର୍ ଏବଂ ନିଶା ତାଙ୍କର ସଙ୍ଗୀତରେ । ସେ ଏକାଧାରରେ ଜଣେ ଗୀତିକାର, ସଙ୍ଗୀତକାର ଏବଂ ଗାୟକ । ନବପଲ୍ଲବ ତଥା ଶୁଭପଲ୍ଲବର ଥିମ୍ ଗୀତ ମଧ୍ୟ ସେ ପ୍ରସ୍ତୁତ କରିଛନ୍ତି ।
