ସ୍ୱପ୍ନରେ ହେଲେ ବି ଥରେ
ନେଇ ଯାଆନ୍ତୁନି
ହାତ ଧରି ମୋର
ସ୍ୱପ୍ନର ଅଳକା ପୁରେ
ଫୁଲେଇ ଫଗୁଣ ମେଳେ
ଚୁମ୍ୱନେ ଚିବୁକ ଭିଜାଇ ଦିଅନ୍ତୁ
ଚାହାଁଣି କଟାକ୍ଷ ଧାରେ ।
ସ୍ୱପ୍ନରେ ହେଲେ ବି ଥରେ
ତୋ’ ଦେହ ପୃଷ୍ଠାର
ସବୁ ଅକ୍ଷରରେ
ଆଂକି ଦିଅନ୍ତି ମୁଁ ଚୁମ୍ୱନର ମଧୁଚିତ୍ର
ତୋ’ ଦେହ ଦେହଳିର
ବନ୍ଧନ ଭିତରେ
ମୁଁ ରଚିନ୍ତି ରାସରସ ।
ସ୍ୱପ୍ନରେ ହେଲେ ବି ଥରେ
ତୋ’ ତନୁ ପାତ୍ରରେ
ଭରିଦେ ମଦିରା
ଆକୁଳେ ଚାହିଁଛି ମୁଁ ନିଶିଦିବା
ମାଦକ ନିଶାରେ ଝୁମିବି
ସଖୀ ଗୋ
ପାନ କରି କାମସୁଧା ।
– ପ୍ରଶାନ୍ତ କୁମାର ବେହେରା
Comments
ପ୍ରଶାନ୍ତ କୁମାର ବେହେରା
ପ୍ରଶାନ୍ତ କୁମାର ବେହେରା ଜଗତସିଂହପୁରର ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟର ଜଣେ ରାଜନୀତି ବିଜ୍ଞାନ ବିଭାଗର ଅଧ୍ୟାପକ । ତାଙ୍କ ରଚିତ ବିଭିନ୍ନ ଗଳ୍ପକବିତାଦି ବିଭିନ୍ନ ଓଡ଼ିଆ ପତ୍ରପତ୍ରିକାମାନଙ୍କରେ ପ୍ରକାଶ ପାଉଛି ।
