ଶୀତରେ ମୁଁ ଗୀତଲେଖେ ଫୁଲ ପାଖୁଡ଼ାରେ
ଚିକିମିକି ଚିକିମିକି କାକର ଟୋପାରେ ।
ତୁମେ ମୋର ପାଖେ ଥିଲେ କିଛି ଲୋଡ଼ା ନାହିଁ
ସବୁକିଛି ପାଇଯିବି ତୁମକୁ ମୁଁ ଚାହିଁ ।
ତୁମେ ମୋର ହୃଦୟର ଅଭୂଲା କାହାଣୀ
ମୁଁ ତୁମ ମନର ରାଜା ତୁମେ ମୋର ରାଣୀ ।
ସବୁବେଳେ ପାଖେ ମୋର ରଖିବି ସାଇତି
ଏହି ଜୀବନର ତୁମେ ଅଭୂଲା ସ୍ମୃତି ।
ଏକ ଜନ୍ମ ପାଇଁ ନୁହେଁ ଆମ୍ଭରି ଉତ୍ପତ୍ତି
ଚିର ଜନ୍ମ ପାଇଁ ଆମ ପଡ଼ିଅଛି ଗଣ୍ଠି ।
ବିଧିର ବିଧାନ କେବେ ହେବ ନାହିଁ ଆନ
ମୁଁ ତୁମର ତୁମେ ମୋର ନାହିଁ ଭିନ୍ନ ଭିନ୍ନ ।
– ଆନନ୍ଦ ସାହୁ