କେବେ କେମିତି ତମେ ପାରିବ ଜାଣି
ରାତି କାଟୁଛି ମୁଁ ତାରା ଗଣି ଗଣି
ତମ କଥା ଭାବି ଭାବି ନିଦ ହେଉନି
ତମର ମୋର ଏହି ପ୍ରେମ କାହାଣୀ
ତମ ପ୍ରେମରେ ପାଗଳ ମୁଁ ହେଲିଣି
ଖାଇବା ପିଇବା ଭୁଲି ମୁଁ ଗଲିଣି
ଏମିତି କାହିଁକି ହେଲି ମୁଁ କେଜାଣି
ସାଙ୍ଗସାଥିଙ୍କ ଠାରୁ ଦୂରେଇ ମୁଁ ଗଲିଣି
ସହର ସାରା ପଡ଼ିଛି ଭାଲେଣି
ମୋ ପ୍ରେମର କିଏ ସେ ରାଣୀ
କିଏ ମୋ ହୃଦୟକୁ ଯାଇଛି ଜିଣି
ପ୍ରେମିକାରୁ କେବେ ହେବ ଘରଣୀ
ଆମ ପ୍ରେମର ପରଦା ଦେବା ଟାଣି
ଦିନେ ଓଢ଼ଣା ହେବ ତମ ଓଢ଼ଣୀ
ତମ ମଥାରେ ସିନ୍ଦୂର ଗାର ଟାଣି
ତମେ ହେବ ମୋର ଅର୍ଦ୍ଧାଙ୍ଗିନୀ
– ଶୁଭ୍ରାଂଶୁ ଶେଖର ପଟନାୟକ
Comments
ଶୁଭ୍ରାଂଶୁ ଶେଖର ପଟ୍ଟନାୟକ
ଶୁଭ୍ରାଂଶୁ ଶେଖର ପଟ୍ଟନାୟକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
