ସାତ ଜନମକୁ କଥା ଦେଇଥିଲ
ନିଜର କରିବ ବୋଲି
ପ୍ରତାରଣା କରି ଚାଲିଗଲ ତୁମେ
ସର୍ବହରା ମୁଁ ହୋଇଲି ॥
କହି ବି ପାରୁନି ସହି ବି ପାରୁନି
ବେଦନା ମୋ ହୃଦୟର
ବୁଝି ପାରୁନାହିଁ ଏମିତି କାହିଁକି
ବିଚ୍ଛେଦ ହେଲା ଆମର ॥
ତୁମ ବିଛେଦରେ ସବୁ ହରାଇଲି
ଦିନ କାଟୁଛି ଦୁଃଖରେ
ଗଲା ଦିନଠାରୁ ଭାବୁ ଅଛି ବସି
ଆଖି ଭିଜୁଛି ଲୁହରେ ॥
ଆସିବା ବାଟକୁ ଚାହିଁ ଚାହିଁ ମୁହିଁ
ଦେହଟା ଗଲାଣି ଝଡ଼ି
ମଉଳି ଯାଉଛି ମନ ବଗିଚାରୁ
ପ୍ରେମ ରୂପ ଫୁଲକଢ଼ି ॥
– ରମେଶ ଚନ୍ଦ୍ର ବେହେରା
Comments
ରମେଶ ଚନ୍ଦ୍ର ବେହେରା
ରମେଶ ଚନ୍ଦ୍ର ବେହେରା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
