ବୋଉ
ମୁଁ ଆଜି ଖୋଜେ
ତୋ’ ସେହ୍ନ ଶ୍ରଦ୍ଧା ଭରା ମମତା
ନରମ କୋଳର ଉଷ୍ମତା
ସେଇ ମତୁଆଲା ହସର ମଧୁରତା
ତୋ’ ପଣତ କାନିର ଶୀତଳତା……..(୧)
ବୋଉ
ମୁଁ ଆଜିବି ଦେଖେ ସତ ମିଛ ଦୁନିଆକୁ
ହସ ଖୁସି ସଂସାରକୁ
ତୋ’ ଆଶୀର୍ବାଦ ଥିଲେ ସବୁବେଳେ
ଚାଲିବି ଅନେକ ଦୂରକୁ ……(୨)
ବୋଉ
ସକାଳ ହେଲେ
ମୁଁ ତୋ’ କଥା ଭାବେ
ତୋ’ ହାତ ତିଆରି ଚୁନାକୁ ଦେଖିଲେ
ତୋ’ ଛବି ଝଲସି ଉଠେ
ତୋ’ ତାଗିଦା ଅଭିମାନ
ସ୍ମୃତି ପରି ରହିଯାଏ
ଏ ମନ ଭିତରେ
ଆଖିର ଲୁହକୁ ଲୁଚାଇ ଦେଇ
ତୋ’ ହସକୁ ଟିକେ ଦେଖିଲେ
ମୋ ପେଟ……(୩)
ବୋଉ
ଜୀବନର ଅପରାହ୍ନରେ
ମୁଁ ହଜିଯାଏ
ଦୂର ରାଇଜରେ
ପୁବେଇ ପବନ ସହ କଥା କୁହେ
ତୋ’ କଥା ଭାବିଲେ
ତୋ’ ପାଦରେ କଣ୍ଟା ଫୁଟିଲେ
ମୁଁ ଭାଙ୍ଗିପଡ଼େ
ପ୍ରତି ମୁହୂର୍ତ୍ତରେ
ତୋ’ ପାଇଁ ମୋ ଭୋଲେନାଥଙ୍କୁ
କରୁଣା କରେ
ସଞ୍ଜ ଆଉ ସକାଳେ…..(୪)
ବୋଉ
ମୋ ବୋଉ ॥
– ସାଗର ନାୟକ
Comments
ସାଗର ନାୟକ
ସାଗର ନାୟକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
