ଲୋଡ଼ା ଥିବା ଜିନିଷକୁ
ଯିଏ ଖୋଜି ଆଣିଦିଏ
ସେହି ଶବ୍ଦ ହେଉଛି ବାବା
ଭାଙ୍ଗି ଯାଇଥିବା ଜିନିଷକୁ
ଯିଏ ଗଢ଼ି ଆଣିଦିଏ
ସେହି ଶବ୍ଦ ହେଉଛି ବାବା ।
ନିଛାଟିଆ ରାତିରେ
ଯିଏ ଛୋଟ ଦୀପଟିଏ ଜାଳି
ସାହାସ ଆଣିଦିଏ
ସେହି ଶବ୍ଦଟି ହେଉଛି ବାବା ।
ଦୁଃଖରେ ଭାଙ୍ଗିପଡ଼ିଲେ
ଯିଏ ପିଠା ଥାପୁଡ଼େଇ ଦେଇ କୁହେ
ମା’ଲୋ ବ୍ୟସ୍ତ ହଅନା
ସେହି ଶବ୍ଦଟି ହେଉଛି ବାବା ।
ପାଖରେ ପଇସା ନଥିଲେ ବି
ଯିଏ କୁହେ ସରଗରୁ ଚାନ୍ଦ ଆଣିଦେବି
ସେହି ଶବ୍ଦଟି ହେଉଛି ବାବା ।
ସବୁ କଷ୍ଟ, ସବୁ ଦୁଃଖକୁ
ସେହି ମୁରୁକି ହସ ପଛରେ ଚାପି
ଛାତିକୁ ପଥର କରି ଯିଏ ଜାକି ଦିଏ
ମା’ ଲୋ
ସେହି ଶବ୍ଦଟି ହେଉଛି ବାବା ।
– ସୋନାଲି ବିନ୍ଧାଣୀ
Comments
ସୋନାଲି ବିନ୍ଧାଣୀ
ସୋନାଲି ବିନ୍ଧାଣୀ ବୃତ୍ତିରେ ଜଣେ ଅଧ୍ୟାପିକା ଏବଂ ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
