ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ
ଜଣେ ନାରୀ ଆଉ ଜଣେ ପୁରୁଷ । (୧)
ସରଳ ନିରୀହ ନାରୀର ମନ
କଥାରେ ତା’ ବହେ ମଳୟ ପବନ । (୨)
ଜନନୀ, ଜାୟା, ଭଗିନୀ ନାରୀ
ହେବନାହିଁ ତାହାର କେ ସରି । (୩)
ଅପୂର୍ବ ସୃଷ୍ଟି ସେ ଈଶ୍ୱରଙ୍କର
ତୁଳନା ନାହିଁ କେହି ତାହାର । (୪)
ରୂପ ସୌନ୍ଦର୍ଯ୍ୟ ଗୁଣରେ ତା’ର
ବିମୋହିତ ହୁଏ ସାରା ସଂସାର । (୫)
ନାରୀ ନୁହେଁ ଅବଳା, ଦୁର୍ବଳା
ଯଦିଓ ଅଟେ ସେ ସହନଶୀଳା । (୬)
ଶୀତ ବର୍ଷା କି ଖରା କାକର
ସବୁ ଅଟଇ ସମାନ ତା’ର । (୭)
ଜନନୀ ଅଟଇ ସେ ସୃଷ୍ଟିର
ତା’ ଜନ୍ମେ ଧନ୍ୟ ଏ ସଂସାର । (୮)
ଜନ୍ମଦାତ୍ରୀ ଅଟେ ସେ ସଂସାରର
ଧନ୍ୟ ଏ ସଂସାର ପାଇ କରୁଣା ତା’ର । (୯)
ହେ ନାରୀ ଘେନ ଏ ସମ୍ମାନ
ଚରଣେ ତୋହର କୋଟି ପ୍ରଣାମ । (୧୦)
Comments
ପର୍ଶୁରାମ ସାହୁ
ପର୍ଶୁରାମ ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
