ଆହେ ଦୟାମୟ ନୀଳାଦ୍ରି ବିହାରୀ,
ଦିନ ଯାଉ ତୁମ ଶ୍ରୀପଦ ସୁମରି ।
ପ୍ରଭୁ ତୁମେ ପରା ଜଗତର ନାଥ,
ତୁମ ପାଇଁ ମୁଁହି ହେଲିକି ଅଜ୍ଞାତ ।
ଶୁଣ ପ୍ରଭୁ ମୋର ହୃଦୟ ବନ୍ଦନ,
ନିରାଶ ଆତ୍ମାର ଆକୁଳ ଜଣାଣ ।
ତୁମ ବିନା ଅବା କିଏ ଅଛି ମୋର,
ତୁମେ ପରା ମୋର ଶକ୍ତିର ଆଧାର ।
ନିତ୍ୟ ମୁଁ କରଇ ତୁମ ଆରାଧନା,
କର ପ୍ରଭୁ ମୋର ଶକ୍ତି ସଂରଚନା ।
ଆସୁ ମୋ ପଥରେ ଯେତେ ବାଧା ବିଘ୍ନ,
କରିବାକୁ ପଡ଼ୁ ଯଦିବା ସଂଗ୍ରାମ ।
ଭରିଦିଅ ମନେ ଅଦମ୍ୟ ସାହସ,
କରିବାକୁ ପ୍ରତି ପଦରେ ପ୍ରୟାସ ।
ହାରିଯାଏ ନାହିଁ ଜୀବନ ପଥରେ,
ଦିଅ ଆଶ୍ରା ତୁମ୍ଭ ଶ୍ରୀଚରଣ ତଳେ ।
– ଅର୍ପିତା ମିଶ୍ର