ଆହେ କାକ ପକ୍ଷୀ ଅଦିନରେ ଆସି ଦେଲୁ ତୁ କି ଡାକି,
ଆଉ ମୋର ଅଛି କିଛି ସୁଝିବାକୁ ବାକି ।
ଆହେ ମହାବାହୁ ତୁମେ କରିଦିଅ କ୍ଷମା,
ଶେଷ ନିଶ୍ଵାସ ଥିବାଯାଏ ମୁଁ ଭୁଲି ପାରିବିନି ଜମା ।
କିଛି ସମୟ ମାଗୁଛି ପ୍ରଭୁ ଦେଇଦିଅ ତୁମେ,
କିଛି ପ୍ରତିଶ୍ରୁତି ଅଛି ପୂରା କରିଦେବି ଏହି ଜନ୍ମେ ।
ଭୁଲ୍ ଯାହାବି କରିଛି ମତେ କରିଦେବେ କ୍ଷମା,
ମୁଁ ହସ୍ତାନ୍ତର କରିଦେଇଛି ତୁମେ ଦେଇଥିବା ଜିମା ।
ଶେଷଇଚ୍ଛା ପ୍ରଭୁ ତୁମକୁ କରିବି ଦର୍ଶନ,
ତୁମେ ଆପଣେଇ ନିଅ ମୁଁ ହୋଇଯିବି ପ୍ରସନ୍ନ ।
ପ୍ରଭୁ ତୁମ ପାଖେ ମୁ ଯେ କରୁଛି ମିନତି,
ଆଉ ପରିବିନି ମତେ ଦିଅ ଯେ ବିରତି ।
ତୁମ ପାଖେ ଗୁହାରି କରଇ ମହାବାହୁ,
ଏତିକି କରୁଣା ହେଉ ଆହେ ମହାବାହୁ ॥
– ମାନସ ଦାସ
Comments
ମାନସ ଦାସ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
