କଳିରୁ ହିଁ ସୃଷ୍ଟି ଯୁଗ ତାଟ ଏହି ନାଁ ପୁଣି କଳିଯୁଗ ।
କଳଙ୍କିତ ହୋଇ ଚାଲିଥାଏ ସଦା ଧର୍ମର ଘୋର ଅଭାବ ॥
ଜୀବଙ୍କ ଭିତରେ ସର୍ବଶ୍ରେଷ୍ଠ ବୋଲି ମାନବ ଜାତିଟା ମହାନ ।
କଦର୍ଯ୍ୟ ପ୍ରକୃତି କଳୁଷିତ ମନ ନିଜକୁ କରୁଛି ହୀନ ॥
ବିପଦେ ପଡ଼ିଲେ ସଚେତନ ହେବା ଅଟେ ଆଜିର ନୀତି ।
କାମ ସରିଗଲେ ଭୁଲି ଯିବାଟା ତ ଏହି ମଣିଷର ପ୍ରକୃତି ॥
ଅଭାବ ପଡ଼ିଲେ ଈଶ୍ୱର ପ୍ରାର୍ଥନା ଭାବରେ ମଦ ଦୋକାନ ।
ପଇସା ଆଜିତ ସବୁକିଛି ପୁଣି ନ ଥିଲେ ନାହିଁ ସମ୍ମାନ ॥
ବନ୍ଧୁତାର ମୂଲ୍ୟ ଭୁଲି ଯାଇଛି ସ୍ୱାର୍ଥପର ଏହି ମଣିଷ ।
ଭରସାହୀନ ସମାଜଟା ପୂରା ସବୁଠି ଖାଲି ବିଷ ॥
ସୁରକ୍ଷିତ ନୁହେଁ ନାରୀ ଜାତି ଆଜି ଯେଉଁଠୁ ସୃଷ୍ଟି ମାନବ ।
ଘୃଣା ଲାଗେ ଆଜି ଏ ପରିବେଶ ତା’ ଉଦ୍ଧାର କର ମାଧବ ॥
ପାପର ଭାରରେ କନ୍ଧୁଛି ଧରିତ୍ରୀ ବେଶୀ ଦିନ ଆଉ ନୁହଁ ।
ଧ୍ୱଂସ ପାଇଯିବ କିଛି ଦିନ ପରେ କଳଙ୍କିତ କଳିଯୁଗ ॥
– ରୁଦ୍ର ନାରାୟଣ ପାଣିଗ୍ରାହୀ
Comments
ରୁଦ୍ର ନାରାୟଣ ପାଣିଗ୍ରାହୀ
କଟକ ଜିଲାର ସାଲେପୁର ସ୍ଥିତ ପୂର୍ବଛକର ବାସିନ୍ଦା ହେଉଛନ୍ତି ରୁଦ୍ର ନାରାୟଣ ପାଣିଗ୍ରାହୀ । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ/କବିତ ଆଦି ରଚନା କରିଥାନ୍ତି । ତାଙ୍କ ରଚିତ କବିତାମାନ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
