ନା ଅନ୍ଧାରରେ ମରିବାକୁ ଚାହେଁନା
ମୁଁ ଦୁନିଆକୁ ଦେଖିବି,
ଡଷ୍ଟବିନ୍ରେ ପଡ଼ିବାକୁ ଚାହେଁନା
ଘରେ ଟିକିଏ ରହିବି,
କେବେ ଅନାଥ ହେବାକୁ ମୁଁ ଚାହେଁନା
ତମ ସ୍ନେହ ଟିକେ ନେବି,
ହେ ମାଆ ଟିକିଏ ସୁଯୋଗ ଦେ ମୋତେ,
ମୁଁ ଦୁନିଆକୁ ଦେଖିବି ।
କୁନିପାଦ ରେ ଧରଣୀ ରେ ନାଚିବି
ମୁଁ ମିଠା ଗୀତ ଗାଇବି,
କଠିନ ପରିଶ୍ରମ କରି ପଢ଼ିବି
ବଡ଼ ମଣିଷଟେ ହେବି,
ହେ ମାଆ ଟିକିଏ ସୁଯୋଗ ଦେ ମୋତେ
ମୁଁ ଦୁନିଆକୁ ଦେଖିବି ।
ମୋ ଭିତରେ ଅଛି ଅଦମ୍ୟ ସାହସ
ପଥର ଭାଙ୍ଗି ପାରିବି,
ପୁଅଠୁ କୌଣସି ଗୁଣରେ କମ୍ ନୁହେଁ
ପୁଅଠୁ ଆଗକୁ ଯିବି,
ହେ ମାଆ ଟିକିଏ ସୁଯୋଗ ଦେ ମୋତେ
ମୁଁ ଦୁନିଆକୁ ଦେଖିବି ।
ତମ ଦୁଃଖ କଷ୍ଟ କୁ ଆପଣା କରି
ଆଖିରୁ ଲୁହ ପୋଛିବି,
ସବୁବେଳେ ଭଲ ଭଲ କାମକରି
ତମ ନାଁ ଟେକ ରଖିବି ।
ହେ ମାଆ ଟିକିଏ ସୁଯୋଗ ଦେ ମୋତେ
ମୁଁ ଦୁନିଆକୁ ଦେଖିବି ।
– ଗଣେଶ ଦାସ
Comments
ଗଣେଶ ଦାସ
ଗଣେଶ ଦାସ ଓଡ଼ିଆ ଭାଷାରେ ବିଭିନ୍ନ ପ୍ରକାରର କବିତା ରଚନା କରନ୍ତି । ତାଙ୍କ ରଚିତ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
