ଭାବିନଥିଲି କେବେ
ଅଚିହ୍ନା ପ୍ରାୟ ମୁଁ ହେବି ତୁମ ପାଇଁ
ସେ ଦିନ ଜହ୍ନ ବୁଡ଼ିଗଲା ପରେ ।
ପ୍ରେମର ସଳିତା ଜାଳି ମୋ ହୃଦୟେ
ସାଥେ ଥିବ ବୋଲି ଦେଖାଇ ଆଲୋକ
ଛାଡ଼ି ଦେଲ ଏକା ଅନ୍ଧାର ଭିତରେ ।
ପରିସ୍ଥିତି ସାଥିରେ ବଞ୍ଚିବାକୁ କହି
ଅଧରେ ମିଛ ହସିବା ଶିଖାଇ
ଭୁଲିଗଲ କି ମତେ କିଛିଦିନରେ?
ଖୋଜୁଛି ତୁମକୁ ତଥାପି ପାରୁନି କହି
ଏତିକି ମାଗୁଣି, ମନେନକର ପଛକେ
ଭୁଲିଯିବନି କେବେ ଏ ଜୀବନ ଭିତରେ ।
– ତାନିଆ ପଟେଲ
Comments
ତାନିଆ ପଟେଲ
ତାନିଆ ପଟେଲ ଓଡ଼ିଆ ଏବଂ ଇଂରାଜୀ ଭାଷାରେ ବିଭିନ୍ନ ପ୍ରକାରର ଗପ, କବିତା ଆଦି ରଚନା କରିଥାନ୍ତି । ଏତଦ୍ ବ୍ୟତୀତ ସେ ତାଙ୍କ ନିଜ ରଚନାର ଉପସ୍ଥାପନା କରି ମଧ୍ୟ ୟୁ-ଟ୍ୟୁବ୍ରେ ଅପ୍ଲୋଡ୍ କରିଥାନ୍ତି ।
