ଦଇବ ସାଜିଛି କାଳ ବୈଶାଖୀ
ସମୟ ହସୁଛି ନିଜକୁ ଦେଖି ॥
ଭାଇ ତ ସାଜିଲା ଭାଇରୁ ଭଗାରୀ
ଛିଡ଼ିଗଲା ଆଜି ସମ୍ପର୍କର ଡୋରି ॥
କିଏ ତ କାହାକୁ ଜିତେଇବା ପାଇଁ
ନିଜେ ସଜ କରେ ନିଜ ପାଇଁ ଜୁଇ ॥
ଏମିତିକା ଭାବେ ତା’ର ଦିନ ବିତୁଛି
ବଞ୍ଚିବା ପାଇଁ ମୋତେ ଭୟ ଲାଗୁଛି ॥
ସମୟ ନଈରେ ସବୁ ଭାସିଯାଏ
ପଛକୁ ଚାହିଁଲା ବେଳକୁ କିଛି ତ ନଥାଏ ॥
ଆଜି ଯେ ନିଜର କାଲି ସାତପର
ବଇରୀ ସାଜିଲା ଭାଗ୍ୟ ହେଲା ସାତପର ॥
ହସୁଥିଲା ଦିନେ ସୁନାର ସଂସାର
ଲାଗିଗଲା କି ସତେ କାହାର ନଜର ॥
ଦଇବ କାହିଁକି ଆଜି କାଳ ସାଜିଛି
ବାଛିବା ପାଇଁ ମୋତେ ଭୟ ଲାଗୁଛି ॥
– ଶୁଭମ ବେହେରା