ଦେହରୁ ସେ ଘା’ ସୁଖିଯାଇିଛି ସତ
ହେଲେ ମନରେ ହେଇଥିବା ସେ ଘା’
ଏବେବି ତାଜା ଅଛି ॥
ଆଖିରୁ ଲୁହ ସୁଖିଯାଇଛି ସତ
ହେଲେ ହୃଦୟରେ କହୁଳୁଥିବା ସେ କୋହ
ଏବେବି କଇଁ କଇଁ ହୋଇ କାନ୍ଦୁଛି ॥
ଏବେବି ଓଠରେ ହସ ଅଛି ସତ
ହେଲେ ସେ ଅସ୍ତଗାମୀ ସୂର୍ଯ୍ୟର ଦିଗବଳୟ
ଭିତରେ ସେ ଚେହେରାଟି ହଜିଯାଇଛି ॥
ଏ ହୃଦୟଟି କାହା ପାଇଁ
ପଥର ପାଲଟିଯାଇନି ବାସ୍
ଖାଲି ଭାଙ୍ଗିଯାଇଥିବା ସମ୍ପର୍କକୁ ଖୋଜିଚାଲିଛି ॥
କେତେ ନୂଆ ସମ୍ପର୍କ ଗଢ଼ିହୋଇଯାଇଛି
ହେଲେ ସେ ମନ ଭିତରେ ଥିବା ଅଜଣା ଭୟ
ପ୍ରତ୍ୟେକଟି ମୂହୁର୍ତ୍ତରେ ଡରେଇ ଚାଲିଛି ॥
ହଜାରେ ଲୋକଙ୍କ ଗହଳି ଭିତରେ
ମୁଁ ନିଜକୁ ଖୋଜିଚାଲିଛି ହେଲେ
କେତେବେଳେ ନିଜକୁ ମୁଁ ଦୁନିଆ
ଆଗରେ ହରେଇ ଦେଇଛି ଜାଣିପାରିନି ॥
ସେ ଅଦେଖା ଅତୀତର ଘା’
ଏବେବି ଯନ୍ତ୍ରଣା ପରେ ଯନ୍ତ୍ରଣା ଦେଇ ଚାଲିଛି
ବାସ୍ ଜୀବନଟାକୁ ମୋର ନେଇପାରୁନି କି
ସେ ଅକୁହା କଥାକୁ କାହା ଆଗରେ କହିପାରୁନି ॥
– ଶକୁନ୍ତଳା ପରିଡ଼ା
Comments
ଶକୁନ୍ତଳା ପରିଡ଼ା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
