ଆସିଛି ଏମିତି ବେଳ
ଆସିଛି ଏମିତି ବେଳ

ଆସିଛି ଏମିତି ବେଳ

ନିଜେ ସହି ଭୋକ ଶୋଷ ଯେଉଁ ଲୋକ
ଦିଏ କାହା ପେଟ ପୂରେଇ
ତା’ ହାତରୁ ଖାଇଥାଏ ଯେଉଁ ଲୋକ
ଗୋଡ଼ରେ ବି ପାରେ ଖୁରେଇ

ଏମିତି ହୋଇଛି ସମୟ ଏଇନେ
କେହି କରେନାହିଁ ସ୍ବୀକାର
ଉପକାରୀ ଯେତେ ଚିହ୍ନା ଲୋକଂକୁ
କରୁଥାଏ ଧିକ୍‌କାର

କଥା ତ ପଳାଏ ପବନରେ ଉଡ଼ି
ଲେଖା ରହିଥାଏ ପଡ଼ି
କେହି ମାନେନାହିଁ କାହାର ବୋଲ
ଯେତେ ଛାଡ଼ିଲେ ବି ରଡ଼ି

ଶିକ୍ଷା ଶାସନ ବିଚାର ସାହିତ୍ୟ
ହେଲାଣି ଶବ୍ଦଖେଳ
ଭାବନା ତ କାହିଁ ଆଉ ଦିଶୁନାହିଁ
ଆସିଛି ଏମିତି ବେଳ

Comments

comments

ଅନ୍ୟମାନଙ୍କ ସହ ସେୟାର କରନ୍ତୁ...

ପ୍ରଫୁଲ୍ଲ କୁମାର ତ୍ରିପାଠୀ

ପ୍ରଫୁଲ୍ଲ କୁମାର ତ୍ରିପାଠୀ, ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଜଣେ ଓଡ଼ିଆ ସାହିତ୍ୟିକ ଓ ଭାଷାବିତ୍ । ସମାଜରେ ଦେଖାଯାଉଥିବା ବିଭିନ୍ନ ପ୍ରକାରର ଦୁର୍ନୀତି, ଅନିୟମିତତା ଏବଂ ମାନବବାଦ ବିଷୟ ଉପରେ ତାଙ୍କ ରଚନା ଆଧାରିତ । ସେ ଓଡ଼ିଆ ଭାଷା ସାହିତ୍ୟର ତର୍ଜମା ଓ ଲିପିର ବିକାଶ ବିଷୟରେ ମଧ୍ୟ ଅନେକ ପୁସ୍ତକ ରଚନା କରିଛନ୍ତି ।

Leave a Reply

Close Menu