ଯେବେ ପ୍ରତିଶ୍ରୁତି ଆଜି ରାଜନୀତି
ଆଉ ରାଜନୀତି ଏଠି ରାଜନେତା ମାନଙ୍କର ପୈତୃକ ସମ୍ପତ୍ତି,
ତେବେ କେମିତି ସମ୍ପୂର୍ଣ୍ଣ ହେବ ଭାରତର ଗଣତନ୍ତ୍ର !
ଯେବେ ପାଶ୍ଚାତ୍ୟ ଶିକ୍ଷାର ସୁବାସିତ ହଳାହଳ ବିଷ ଓ
ବେରୋଜଗାରିର ଶିକୁଳି ରେ ବନ୍ଧା ଭାରତର ଭାଗ୍ୟ,
ତେବେ କେମିତି ସମ୍ପୂର୍ଣ୍ଣ ହେବ ଭାରତର ଗଣତନ୍ତ୍ର !
ଯେବେ ସାଧାରଣ ଜନତାଙ୍କର ଜୀବନ ଏଠି ଅସୁରକ୍ଷିତ ଓ
(ଅସାଧାରଣ) ଗୁଣ୍ଡାରାଜ୍ ଏଠି ସୁରକ୍ଷିତ,
ତେବେ କେମିତି ସମ୍ପୂର୍ଣ୍ଣ ହେବ ଭାରତର ଗଣତନ୍ତ୍ର !
ଯେବେ ସରକାରୀ ସେବା ଏଠି ଲାଞ୍ଚର ପିଞ୍ଜରାରେ ବନ୍ଦୀ ଓ
ବେସରକାରୀ ସେବା ଏଠି ସୁନା ଓ ହୀରା ପରି ଦୁର୍ମୂଲ୍ୟ,
ତେବେ କେମିତି ସମ୍ପୂର୍ଣ୍ଣ ହେବ ଭାରତର ଗଣତନ୍ତ୍ର !
ଯେବେ ସାଧାରଣତନ୍ତ୍ରର ଭାଗ୍ୟ ଏଠି ଅପାଠୁଆ
(ଅପରାଧୀ) ନେତା ମାନଙ୍କର ବିଚାର ଧାରାରେ ପରିଚାଳିତ,
ତେବେ କେମିତି ସମ୍ପୂର୍ଣ୍ଣ ହେବ ଭାରତର ଗଣତନ୍ତ୍ର !
ଭାରତର ଗଣତନ୍ତ୍ର ସମ୍ପୂର୍ଣ୍ଣ ହେବାକୁ ତ ଦରକାର ସୁଶିଖିତ ଗଣ
ଓ ଏକ ସୁପରିକଳ୍ପିତ ତନ୍ତ୍ର,
ଯାହା ବାସ୍ ଖୋଜୁଥିବ ଏକ ନୂତନ ଭାରତର ସୂର୍ଯ୍ୟୋଦୟ ।
– ଯଜ୍ଞେଶ କୁମାର ରାଉତ
Comments
ଯଜ୍ଞେଶ କୁମାର ରାଉତ
ଯଜ୍ଞେଶ କୁମାର ରାଉତ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
