ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ,
ମୁଁ ଯେ ଡିଏଲ୍ ଧାରି
ନାବରେ ପରାକାଷ୍ଠା ନାହିଁ ।
ଏ ଜୀବନ ଡଙ୍ଗାରେ
ପୂରା ଅସହାୟ ହୋଇ,
ଖୋଜେ ମୁଁ ସାହାରା ହେଲେ
ସାଥୀ କେହି ନାହିଁ,
ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ ।
ବନ୍ଧୁର ରାସ୍ତାରେ ସିନା
ଗାଡ଼ି ଚଳେଇଛି ମୁହିଁ,
ଏ ଜଳାର୍ଣ୍ଣବ ପଥ ସତେ
କଷ୍ଟ ଦେଉଥାଇ,
ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ ।
ଝଡ଼ ତୋଫାନର ଭୟ
ଛାତି ଦୁଲୁକାଇ ଦେଇ,
ଲହଡ଼ି ଆଉ କୁମ୍ଭୀର
ଭୟ ଦେଉ ଥାଇ,
ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ ।
ଆସିଗଲି ରାସ୍ତା ଛାଡ଼ି
ତୁମରି ସାହସ ପାଇ,
ଉଭା ହେଲ କେମିତି ଯେ
ମଝି ନଈରେ ଛାଡ଼ିଦେଇ,
ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ ।
ଇସ୍, ଏ ନାବରେ ଯେ କଣା
ପାଣି ପସେ ଭୁସ୍ ଭାସ୍ ହୋଇ,
ଏଡ଼େ ଯେ ନିଷ୍ଠୁର ତମେ
ଚଢ଼େଇଲ ଫୁଟା ଡଙ୍ଗା ନେଇ,
କେମିତି ଫେରିବି ମୁହିଁ
ବାଟ ଦିଶୁନାହିଁ,
ଏ ରାସ୍ତା ନୁହେଁ ପରା
ଏକ ଅଙ୍କା ବଙ୍କା ନଈ ।
– ପ୍ରୀତିରଞ୍ଜନ ନାୟକ
Comments
ପ୍ରୀତିରଞ୍ଜନ ନାୟକ
ପ୍ରୀତିରଞ୍ଜନ ନାୟକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ଅନେକ ଗପ, କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
