ଆମ ଘର ଅଟେ ଏକ ମନ୍ଦିର,
ବାପା ମାଆ ଆମ ପାଇଁ ଜୀବନ୍ତ ଠାକୁର ॥
ଭାଇ ଭଉଣୀ ଆମେ ଅଟୁ ଦୁଇଜଣ,
ବାପା ମାଆଙ୍କର ସବୁବେଳେ ଜିଣିଥାଉ ମନ ॥
ତାଙ୍କ ପାଖରେ କରୁ କେତେ ଅଳି ଅଝଟ,
ସେମାନେ କରନ୍ତି ଆମକୁ ସବୁବେଳେ ଆକଟ ॥
ଛୋଟରୁ ବଡ଼ ଆମକୁ ସେ ଗଢ଼ି ତୋଳିଲେ,
ସବୁବେଳେ ହାତଧରି ଆମକୁ ଚାଲି ଶିଖାଇଲେ ॥
ତାଙ୍କ ଗାଳି ଆମ ପାଇଁ ଅଟେ ଆଶୀର୍ବାଦ,
ତାଙ୍କ ଆଶୀର୍ବାଦ ଥିଲେ ଆମେ ଲଭିବୁ ବଡ଼ ପଦ ॥
ମାଗିବା ଆଗରୁ ଆମକୁ ସବୁ ଦିଅନ୍ତି,
ଭୋକ ଲାଗିବା ଆଗରୁ ଖୁଆଇ ଦିଅନ୍ତି,
ବାପା ମାଆ ସିଏ ପରା ଆମର ଅଟନ୍ତି ॥
ସେମାନେ ଥିଲେ ଦୁହେଁ ଆମରି ପାଖରେ,
ହାରିବୁ ନାହିଁ ଆମେ କେବେ ଏହି ଦୁନିଆରେ ॥
ସବୁ ଦେଇ ପୁଣି ସେମାନେ କିଛି ନ ମାଗନ୍ତି,
ନ ମାଗିବା ଆଗରୁ ଇଚ୍ଛା ପୂରଣ କରନ୍ତି ॥
ଯେତେ ଦୋଷ କଲେ କରନ୍ତି କ୍ଷମା,
ରାଗନ୍ତି ନାହିଁ କେବେ ଆମ ଉପରେ ଜମା ॥
ଜୀବନ୍ତ ଠାକୁର ସେ ଆମର ଅଟନ୍ତି,
ଆମ ଖୁସି ପାଇଁ ସେମାନେ ସବୁ କରୁଥାନ୍ତି ॥
ସବୁ ଦେଲା ପରେ ସେ ମାଗନ୍ତି ନିଆଁ,
ଯେବେ ଛାଡ଼ି ଯାଆନ୍ତି ଏ ସାରା ଦୁନିଆ ॥
ତାଙ୍କର ଋଣ କେବେ ଆମେ ସୁଝି କି ପାରିବୁ,
ସବୁବେଳେ ତାଙ୍କ ପାଖରେ ଋଣୀ ହୋଇ ରହିବୁ ॥
କୋଟି କୋଟି ପ୍ରଣାମ ତୁମ ଚରଣରେ,
ତୁମ ଆଶୀର୍ବାଦ ରହି ଥାଉ ସଦା ଆମରି ଉପରେ ॥
– ସୁସ୍ମିତା ବାଭୀ
Comments
ସୁସ୍ମିତା ବାଭୀ
ସୁସ୍ମିତା ବାଭୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
