ରଖିଛି ସାଇତି ତମର ସେଇ
ଅଭୁଲା ଅମର ଗୀତି
ଭୁଲିଯାଇନାହିଁ ତମ ସାଥେ ଥିବା
ଭିଜା ଭିଜା ସେଇ ସ୍ମୃତି ॥
ପଢ଼ୁଛି ଆଜିବି ଲୁଚେଇ ମୁହିଁ
ତୁମ ହାତ ଲେଖା ଚିଠି
ଚିରି ଦେଇନାହିଁ ଚିଠିକୁ ତୁମର
ରଖିଛି ପାଖେ ସାଇତି ॥
ସାଥେ ବିତିଥିବା ସବୁ ଅତୀତକୁ
ରଖିଛି ମନେ ସାଇତି
ମନକୁ ମୋହର ଦେଇନି କାହାକୁ
ରଖିଛି ତମକୁ ସେଇଠି ॥
ଭୁଲିବନି ପ୍ରିୟେ କେବେ ଗୋ ମୋତେ
ତମେ ହିଁ ମୋର ସ୍ମୃତି
ସ୍ମୃତିକୁ ଆମର ସାଥେ ଘେନି ମୁହିଁ
ଝୁରି ମରେ ଦିନରାତି ॥
ପ୍ରିୟେ ଗୋ ଆଜିବି ସାଇତି ରଖିଛି
ମୋ ମନରେ ସବୁ ଗୀତି
ଥରୁଟିଏ ଆସି ପଢ଼ିଦେଇଯାଅ
ଫିକା ଲାଗେ ମଧୁରାତି ॥
– ଶୁଭମ୍ କୁମାର ସାହୁ
Comments
ଶୁଭମ୍ କୁମାର ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
