ଦଇବ ସାଜିଛି କାଳ ବୈଶାଖୀ
ସମୟ ହସୁଛି ନିଜକୁ ଦେଖି ॥
ଭାଇ ତ ସାଜିଲା ଭାଇରୁ ଭଗାରୀ
ଛିଡ଼ିଗଲା ଆଜି ସମ୍ପର୍କର ଡୋରି ॥
କିଏ ତ କାହାକୁ ଜିତେଇବା ପାଇଁ
ନିଜେ ସଜ କରେ ନିଜ ପାଇଁ ଜୁଇ ॥
ଏମିତିକା ଭାବେ ତା’ର ଦିନ ବିତୁଛି
ବଞ୍ଚିବା ପାଇଁ ମୋତେ ଭୟ ଲାଗୁଛି ॥
ସମୟ ନଈରେ ସବୁ ଭାସିଯାଏ
ପଛକୁ ଚାହିଁଲା ବେଳକୁ କିଛି ତ ନଥାଏ ॥
ଆଜି ଯେ ନିଜର କାଲି ସାତପର
ବଇରୀ ସାଜିଲା ଭାଗ୍ୟ ହେଲା ସାତପର ॥
ହସୁଥିଲା ଦିନେ ସୁନାର ସଂସାର
ଲାଗିଗଲା କି ସତେ କାହାର ନଜର ॥
ଦଇବ କାହିଁକି ଆଜି କାଳ ସାଜିଛି
ବାଛିବା ପାଇଁ ମୋତେ ଭୟ ଲାଗୁଛି ॥
– ଶୁଭମ ବେହେରା
Comments
ଶୁଭମ ବେହେରା କଟକ ଜିଲ୍ଲାର ଆଠଗଡ଼ ବ୍ଲକ ଅନ୍ତର୍ଗତ ମହାଲକ୍ଷ୍ମୀ ପୁର ଗ୍ରାମରେ ପିତା ଶମ୍ଭୁନାଥ ବେହେରା ଏବଂ ମାତା ସଂଘମିତ୍ରା ବେହେରାଙ୍କ ଔରସରୁ ୨୦୦୩ ମସିହା ସେପ୍ଟେମ୍ବର ୧ ତାରିଖରେ ଜନ୍ମଗ୍ରହଣ କରିଥିଲେ । +୨ ପାଠପଢ଼ା ଶେଷ କରି ଆଗକୁ ପଢ଼ା ଜାରି ରଖିଥିବା ଶୁଭମ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ଭିନ୍ନ ଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି ।
