କହିବି କହିବି ଓଠେ ରହିଗଲା
ହୃଦୟ ତଳର ଆଶା,
ଶୁଣିବି ଶୁଣିବି କାନେ ଅଟକିଲା
ପ୍ରେମ ସୁମଧୁର ଭାଷା ।
ଚାହିଁ ଚାହିଁ ଚାହିଁ ଆଖିରେ ମରିଲା
ଲହୁ ହୁଏ ଲୁହ ଧାର,
ଏକାକୀ ଏକାକୀ ଚାତକ ପରାଣେ
ଠିଆ ସମୟର ଭାର ।
ଏମିତି ଏମିତି ସରିଯାଉ ଦିନ
ଆଶାର ସମାଧି କୋଳେ,
ବାସନା ବାସନା ପ୍ରେମ ମହକରେ
ତୁମରି ପଣତ ତଳେ ।
– ଆଶୁତୋଷ ମେହେର
Comments
ଆଶୁତୋଷ ମେହେର ଜଣେ ଅବସର ପ୍ରାପ୍ତ ଭାରତୀୟ ଷ୍ଟେଟ ବ୍ୟାଙ୍କର ଅଧିକାରୀ । ସେ ଓଡ଼ିଆ ଭାଷା ସମେତେ ସମ୍ବଲପୁରୀ ଭାଷାରେ ବିଭିନ୍ନ ପ୍ରକାରର କବିତା ରଚନା କରିନ୍ତି । ତାଙ୍କର ନିଜସ୍ୱ କେତୋଟି କବିତା ସଂକଳନ ପ୍ରକାଶିତ ହୋଇଛି ।
