ଧଏନ୍ ଧଏନ୍ରେ ଫେସ୍ବୁକ୍ ତୁଇ
ପଢଲୁ ବନେଟେ ପାଠ୍,
ରାତି ଝୁମରା ବତରେ ନାଇଁ ଲାଗୁଛେ
ନାଇଁକଲେ ଟିକେ ଚାଟ୍ ।
ବହି ପଢୁଥିଲେ ଆକାଶୁ ଝୁମରା
ଫେସ୍ବୁକ୍ ଚଲାଲେ ନାଇଁ,
କାଇଁ ମହଁନିଟେ ଲଗାଇ ଦେଲୁ ଯେ
ସଭେ ହେଇଛନ୍ ବାଇ ।
ମୁହୁଁଦେଖା ବହି ଦୁନିଆଁରେ ତୁଇ
ପୁର୍ଥୀର୍ ସବୁ ଭାଷା ଧରି,
ମୁନୁଷ୍ ମାନକୁ ଅଲ୍ସୁଆ କରୁଛୁ
ଗୁଟେଜାଗା ବସାଇ କରି ।
କାମ୍ କବାର୍ ଛାଡି ଫେସ୍ବୁକ୍ରେ ମନ୍
ଲାଇକ୍ କମେଣ୍ଟ୍ ଗଦାଗଦା,
ଉସତ୍ ହେସନ୍ ଧଙ୍ଗରା ଧାଙ୍ଗରି
ସାନ୍ ବଡ୍ ବୁଢା ଦଦା ।
ଭୁଲେଇ ଦେଲୁନଁ ମୁନୁଷ୍ କେ ତାର୍ କରମ୍
ସାଙ୍ଗ୍ ମେଲ୍ ସେବାର୍ କଥା,
ବୁଡି ମରୁଥିଲେ କେ ବଁଚେଇ ନାଇଁ ଆସନ୍
ସାର୍ ସେଲ୍ ଫି ଘିଚବାର୍ଟା ।
ଧିକ୍ ଆଏ ସେ ମୁନୁଷ୍ ଜୀବନ୍ ଥାଇ
ଅଭାବେ ଉପକାର୍ ଗୁନ୍,
ପର୍ ଉପକାରେ ପାଇବୁ ସରଗ୍ ସୁଖ୍
ଫେସ୍ବୁକ୍ ଛାଡି ଲୁକର୍ ଶୁନ୍ ।
– ସତ୍ୟନାରାୟଣ ପଧାନ
Comments
ସତ୍ୟ ନାରାୟଣ ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
