ହେ ପ୍ରିୟା ମଧୁସ୍ମିତା
ତୁମେ ମୋ ହୃଦୟର ଅକୁହା କଥା
ତୁମେ ମୋ ଜୀବନର ମରମ ବ୍ୟଥା
ତୁମେ ମୋ ଶୟନର ନିଦ୍ରା ହୀନତା
ତୁମେ ମୋ ବଗିଚାର ଅପରାଜିତା ।।
ହେ ପ୍ରିୟା ମଧୁସ୍ମିତା
ତୁମ ପାଇଁ ଲେଖା ମୋର ଅଲେଖା କବିତା
ତୁମ ପାଇଁ ମନ୍ଦିରେ ମୋ ହଜାରେ ସଲିତା
ତୁମ ପାଇଁ ମନେ କେତେ ସପନ ସାଇତା
ତୁମ ପାଇଁ ଏହା ମୋର ପ୍ରେମର ବାରତା ।।
ହେ ପ୍ରିୟା ମଧୁସ୍ମିତା
ତୁମେ କେଉଁ ସାଗରର ମଣି ଓ ମୁକୁତା
ତୁମେ କେଉଁ ବଗିଚାର ଲାଜକୁଳି ଲତା
ତୁମେ କେଉଁ ସିନେମାର ନାୟିକା ଅର୍ଚ୍ଚିତା
ତୁମେ କେଉଁ ଜନମର ଲାଗଇ ବନ୍ଧୁତା ।।
ହେ ପ୍ରିୟା ମଧୁସ୍ମିତା
ତୁମକୁ ଦେଖିଲେ ପଡେନାହିଁ ଆଖିପତା
ତୁମକୁ ଦେଖିଲେ ମନ ରୁହେ ନିରବତା
ତୁମକୁ ଦେଖିଲେ ବଢେ ଦେହର ଉଷ୍ମତା
ତୁମକୁ ଦେଖିଲେ ଓଠ କୁହେ ଗୋଟେ କଥା,
ହେ ପ୍ରିୟା ମଧୁସ୍ମିତା
ହେ ପ୍ରିୟା ମଧୁସ୍ମିତା ।
– ହରିପଦ ପରିଡ଼ା
Comments
ହରିପଦ ପରିଡ଼ା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି ।
