ଗଛ ଲତା ବିହୀନ ଜୀବନର ପନ୍ତାର ଭୂମିରେ
ଅପେକ୍ଷା ଆଜି ପ୍ରଶ୍ନବାଚୀ
କଣ୍ଟା ହୋଇ ମୋ ଶରୀରକୁ ଲହୁରେ ଭିଜାଉଛି
ପୁଣି ଆଖିକୁ ଅଶ୍ରୁରେ ଦେଉଛି ସାଜି ।
ଆଖିର ଆଭୂଷଣ ହୋଇଛି ଲୁହ
ହୃଦୟ ମୋ ଧର୍ଯ୍ୟ ହରା
ଅପେକ୍ଷା ଖେଳୁଛି ଲୁଚକାଳି ପୁଣି
କରି ମୋତେ ବେସାହାରା ।
ଅପେକ୍ଷା ନେଉଛି ଧୈର୍ଯ୍ୟର ପରୀକ୍ଷା
ଜାଣିନି କି ହେବି ଉତ୍ତୀର୍ଣ୍ଣ
ପରୀକ୍ଷା ଖାତାକୁ ଲୁହରେ ଭିଜାଇ
ଅବସ୍ଥା ମୋ ଜୀର୍ଣ୍ଣସୀର୍ଣ୍ଣ ।
ପ୍ରତି ପାଦେ ଝରେ ଲୁହ ଲହୁ ଏଠି
ଡେଣା ଥାଇ ଡେଣା ବିହୀନ
ଅପେକ୍ଷା ଜାଲରେ ଛନ୍ଦି ମୁଁ ହୋଇଛି
ଏଠି କାଟୁଛି ମୁଁ ବନ୍ଦୀ ଜୀବନ ।
ଅପେକ୍ଷା ଉତ୍ତର ଖୋଜି ମୁଁ ପାଉନି
ଜୀବନର ଶବ୍ଦ କୋଷେ
ଭାବୁଛି ବାକି ଜୀବନକୁ ଏମିତି କାଟିବି
ମୋର ଜୀର୍ଣ୍ଣ ସୀର୍ଣ୍ଣ ଏହି ବେଶେ ।
– ଓମ୍ ମିଶ୍ର
Comments
ଓମ୍ ମିଶ୍ର ଓଡ଼ିଶାର କେନ୍ଦ୍ରପଡ଼ା ଜିଲ୍ଲାର ରାଜକନିକା ଉପଖଣ୍ଡର ସିକୋଠାରେ ଜନ୍ମଗ୍ରହଣ କରିଥିଲେ । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି ।
