ତୁମ ନାମ ଶୁଣି
ମୁଁ ଭୟ ପାଏ, ଆନନ୍ଦ ବି ପାଏ
କେବେ ଭାବବିହ୍ୱଳ ବି ହୁଏ
ତୁମେ ପରା ମୋର ବାପା !
ତୁମେ ଯେତେବେଳେ
ଧରିଥାଅ ମୋର ହାତ
ଭୁଲି ମୁଁ ନଯାଏ ବାଟ
ତୁମେ ପରା ମୋର ବାପା !
ତୁମେ ମୋର ଭଗବାନ
ସଠିକ୍ ମାର୍ଗଦର୍ଶନ ଦେଖାଇଛ
ଭଲଧାରଣା ବି ଶିଖାଇଛ
ତୁମେ ପରା ମୋର ବାପା !
ତୁମେ ହିଁ ଶିଖାଇଛ
ଖଡ଼ି ଛୁଆଁ ମୋତେ ପ୍ରଥମ
ଓ କର୍ତ୍ତବ୍ୟ ହିଁ ଭଗବାନ
ତୁମେ ପରା ମୋର ବାପା !
ତୁମ କଥା ମନେପଡ଼େ
ଭୋକ ଉପାସରେ ଥିଲେ
କେବେ ପରାଜିତ ହେଲେ
ତୁମେ ପରା ମୋର ବାପା !
ତୁମେ ନିତି କୁହ
ଅନ୍ଧାରକୁ ଭୟ ନକରି
ସଫଳତା ପଥେ ଯାଅ ମାଡ଼ି
ତୁମେ ପରା ମୋର ବାପା !
ତୁମେ ହିଁ ସାହସ ଦିଅ
ଭୁଲି ସବୁ ଦୁଃଖ କଷ୍ଟ
କରିବା ଜୀବନକୁ ଆଲୋକିତ
ତୁମେ ପରା ମୋର ବାପା !
ତୁମ ଠାରୁ ପରା ଶିଖିଛି
ସ୍ନେହଶ୍ରଦ୍ଧା ଓ ଭଲ ପାଇବା
କୌଣସି କଥାରେ ଅଭିମାନ ନ କରିବା
ତୁମେ ପରା ମୋର ବାପା !
ତୁମେ ଯେତେ ଲୁଚାଇଲେ ମଧ୍ୟ
ମୁଁ ନିଜ ଆଖିରେ ଦେଖିଛି
ଲୁହ ସବୁ ପିଇଯାଅ ହସି
ତୁମେ ପରା ମୋର ବାପା !
ତୁମକୁ ଶେଷରେ କହୁଛି
ବଞ୍ଚିଥାଏ ଅବା ମରିଯାଏ
ପ୍ରତିଦିନ ତୁମ ପାଖରେ ଥାଏ
କାରଣ, ତୁମେ ପରା ମୋର ବାପା !
– ଶ୍ରୀମାନି ପ୍ରିୟଦର୍ଶିନୀ ଦାସ
Comments
ଶ୍ରୀମାନି ପ୍ରିୟଦର୍ଶିନୀ ଦାସ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ଅନେକ ଗପ, କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
