ପସରା ମୁଣ୍ଡେଇ
କେଲୁଣୀ ବୁଢ଼ୀ
ଆସ ଝିଅ, ବୋହୂ
ଛାଡ଼ଇ ରଡ଼ି ॥
ଆସ କେ କୁଟିବ
ଦେହରେ ଚିତା
ରାଧାକୃଷ୍ଣ ଅବା
ଶ୍ରୀରାମ ସୀତା ॥
ଥିରି ଥିରି କରି
ଦେବି ମୁଁ କୁଟି
ରହିଥିବ ସଦା
ଅଭୁଲା ସ୍ମୃତି ॥
ପିମ୍ପୁଡି କାଟିଲା
ପରି ଲାଗିବ
ଦିନେ ଦୁଇ ଦିନ
ପୀଡ଼ା ରହିବ ॥
ତା’ପରେ ଦିଶିବ
ଭାରି ସୁନ୍ଦର
ଝଟକୁ ଥିବ ସେ
ଦେହେ ତୁମର ॥
ଚିତା କୁଟା ମୋର
କୁଳ ବେଉସା
ଚିତା କୁଟି ଗଣି
ନିଏ ପଇସା ॥
ଢିଲା କରେ ନାହିଁ
କାମରେ ମୋର
କୁଟି ଦିଏ ଚିତା
ଭାରି ସୁନ୍ଦର ॥
ଆସ କେ କୁଟିବ
କରନି ଡେରି
କାମ ସାରି ଯିବି
ଘରକୁ ଫେରି ॥
– ସସ୍ମିତା ପ୍ରଧାନ
Comments
ସସ୍ମିତା ପ୍ରଧାନ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
