ଇଚ୍ଛା ହୁଏ
କୁହୁଡ଼ି ଚାଦର ଘୋଡ଼େଇ
ଚାନ୍ଦର ଟିକିଲି ନାଇ
ନବ ବଧୂ ସାଜିବାକୁ
ଇଚ୍ଛା ହୁଏ
ରାତିର ଅନ୍ଧକାରକୁ
ଆଖିର କଜଳ କରି
ଆଖିକୁ ସୁନ୍ଦର କରିବାକୁ ।
ଇଚ୍ଛା ହୁଏ
ଗୋଲାପୀ ଓଠରେ
ବିନ୍ଦୁ ବିନ୍ଦୁ କାକର ଟୋପାର
ଶୀତଳ ସ୍ପର୍ଶକୁ ଅନୁଭବ କରିବାକୁ ।
ଇଚ୍ଛା ହୁଏ
ସହଶ୍ର ତାରାଙ୍କ
ରଙ୍ଗୀନ ଆଲୋକରେ
ରାତିକୁ ରଙ୍ଗୀନ କରିବାକୁ ।
ଇଚ୍ଛା ତ ଅସୁମାରୀ ରାଜକୁମାରୀଟିଏ
ଅଦିନରେ ବି ପଦ୍ମ ଫୁଟାଏ ।
– ଚିକୁନ ପଣ୍ଡା
Comments
ଚିକୁନ ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
