ସ୍ମୃତିର ତାଳେ ତାଳେ
ନୃତ୍ୟେ ଭୋଳ ଅଶ୍ରୁ ଜଳେ
କରାଳ ଲହରୀ ଭେରି
ହୃଦ ସାଗରେ ଖେଳେ ।
ସ୍ମୃତିର ତାଳେ ତାଳେ ।
ସ୍ମୃତିର ତାଳେ ତାଳେ
ପ୍ରତିବିମ୍ବ ମନେ ଧରି ତୋଳେ
ଅଲୋଡ଼ା ସତ୍ତା ଅନ୍ୱେଷଣ
ସମୟ ପାଉଁଶଗଦା ତଳେ
ସ୍ମୃତିର ତାଳେ ତାଳେ…
ସ୍ମୃତିର ତାଳେ ତାଳେ
ମନ ହଜେ ଅନ୍ତରାଳେ,
ଗାଇ ପୁଲକର ଗୀତି
ମଗ୍ନ ହୁଏ ମୋହ ଛଳେ ।
ସ୍ମୃତିର ତାଳେ ତାଳେ…
ସ୍ମୃତିର ତାଳେ ତାଳେ
ମନ ଛାଇ ଆଲୁଅରେ ଖେଳେ
କେବେ ଠିକ ବି ଭୁଲ କରେ
ହୃଦେ ପ୍ରାୟଶ୍ଚିତ ର ବହ୍ନି ଜାଳେ
ସ୍ମୃତିର ତାଳେ ତାଳେ…
ସ୍ମୃତିର ତାଳେ ତାଳେ
ମଳୟ ସ୍ପର୍ଶିତ ଡାଳେ ଡାଳେ
ତାଣ୍ଡବ ନୃତ୍ୟେ ରତ ଭବ ଜଳେ
ସ୍ମୃତିର ତାଳେ ତାଳେ
ସ୍ମୃତିର ତାଳେ ତାଳେ
ଅନାବନା ଶବ୍ଦ ମେଳେ
କବିତା ପସରା ଦିଅନ୍ତି ମେଲି
ନବପଲ୍ଲବ କବି ଦଳେ ।
ସ୍ମୃତିର ତାଳେ ତାଳେ ।
Comments
ଅଖିଳ ଚଦ୍ର ପାଢ଼ୀ ପେଶାରେ ଜଣେ ଚାଟର୍ଡ଼ ଆକାଉଣ୍ଟାଣ୍ଟ ଏବଂ ନିଶା ତାଙ୍କର ଗପ କବିତା ଆଦି ଲେଖିବା । ଫାଙ୍କା ସମୟରେ ସେ ଋକ୍ ବେଦ ସହ କିଛି ବେଦ ତଥା ପୂରାଣ ଆଦିର ଓଡ଼ିଆ ଅନୁବାଦ କରନ୍ତି ଏବଂ ଗୁଗଲ୍ ଟ୍ରାନ୍ସ୍ଲେଟ୍ ଭଳି କିଛି ସ୍ଥାନରେ ମଧ୍ୟ ତାଙ୍କର ଅବଦାନ ରହିଛି ।
