ଶୀତ ଆସିଲେ
ଜୀବନ୍ତ ହୋଇଉଠେ ତୁମସ୍ମୃତି
ତାଜା ହୋଇଯାଏ କାକର ଭିଜା ଗୋଲାପ
ଯୋଉଟା ତୁମେ ଦେଇଥିଲ ମୋତେ
ଅତି ସରାଗରେ ପହିଲି ଭେଟରେ ।
ଶୀତ ଆସିଲେ ମନେପଡ଼େ
ତୁମ ଇଅରକଡ଼୍ ଦିଆ ଫୁସଫୁସ କଥା
ଆଉ ମୋ ବାହାନାରେ ମିଛଯନ୍ତ୍ରଟାକୁ
ତୁମ ସତସତିକା ଦେଉଥିବା ସହଶ୍ର ଚୁମା ।
ଶୀତ ଆସିଲେ ମନେ ପଡ଼େ
ତୁମ ମିଠା ମିଠା ଗୀତ
ଯାହା ଚାଲୁଥିଲା ରାତିଅଧ ଯାଏ
ଶେଷ ହେଉଥିଲା ଫୋନର ଚାର୍ଜ ସାଥିରେ ।
ଶୀତ ଆସିଲେ ମନେପଡ଼େ
ତୁମ ପ୍ରତିଶ୍ରୁତି ତୁମ ରାଗ ରୁଷା
ଛନ୍ଦ ଯୁକ୍ତ ଗୀତ
ଆଉ ଛନ୍ଦ ମୁକ୍ତ ନିରିହ ମନଟା ।
ଶୀତ ଆସିଲେ କୁହୁଳି ଉଠେ ମନ
କାହିଁକି ଜାଣିଛ
ସେ ଶୀତ ଫେରେ ଫିସନ
ଠିକ ସମୟରେ
ହେଲେ ତୁମେ ଗଲାଦିନୁ ନୂଆ ଠିକଣା ବାଟରେ
ଫେରିବନି କେବେ ଏଇ ଜୀବନକୁ
ମୁଁ କିନ୍ତୁସେବେଠୁ ହଜି ଯାଇଛି
ସେଇ ଶୀତ ସାଥିରେ ।
– ସିଦ୍ଧେଶ୍ୱର ତ୍ରିପାଠୀ
Comments
ସିଦ୍ଧେଶ୍ୱର ତ୍ରିପାଠୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
