ଦେଶ ମାତୃକାର ଶୃଙ୍ଖଳ ଦେଖି
ଲୋତକ ବହିଲା ଝରଝର,
କିଏ ନରାଧାମ ମୋ’ରି ଦେଶକୁ
ଶୋଷଣେ କରିଛି ଛାରଖାର ।
କିଶୋର କଣ୍ଠରୁ ଝଙ୍କୃତ ହେଲା
ଭାରତ ମାତାର ଜୟ ଗାନ,
ଦେଶମାତୃକା ଦୀର୍ଘଜୀବି ସହ
ଦେଶ ରହିବ ହୋଇ ମହାନ ।
ମୋ ଦେଶର ଆମେ ବଡ଼ଭକ୍ତ
ଦେଶ ମାତୃକାର ଆମେ ପୂଜକ,
ଶତ୍ରୁ ଦମନ ସମୂଳେ କରିବୁ
ଯୁଗେଯୁଗେ ଥିବ ଦେଶଟେକ ।
ହୃଦରେ ଭରିଛୁ ଦେଶ ପ୍ରେମ
ମାତୃଭୂମି ପ୍ରତି ସମର୍ପଣ ଭାବ,
ରହିଛି ରହିବ ଯୁଗ ଯୁଗ ଧରି
କହୁଅଛି ବୋଷ ଖୁଦୀ ରାମ ।
ଶୁଣଶୁଣ ପ୍ରେମୀ ଦେଇ ମନକର୍ଣ୍ଣ
ଗୁଲାମଠୁ ବେମାର ବେଶି ଭଲ,
ଲୁଣଖିଆ ଗୁଣ ଅନ୍ତରରୁ ବୁଝ
ମାତୃଭୂମି ଋଣ କଢ଼ାଗଣ୍ଡା ମୂଲ ।
– ଦୀନବଂଧୁ ବେଜ
Comments
ଦିନବନ୍ଧୁ ବେଜ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
