ସମୟ ଗଡ଼ିଚାଲେ
ଅବିରତ ଅବିରାମ ଅବିଶ୍ରାନ୍ତ ଭଳି
ଆମେ ହିସାବ ରଖୁ
ଦିନ ପରେ ମାସ
ମାସ ପରେ ବର୍ଷ
ଶୁଭ ଅଶୁଭ ଭଲ ମନ୍ଦ
ଏସବୁ ତ ଆମ ବିଚାର
କିନ୍ତୁ…
ସମୟ ତ ନିର୍ବିକାର ॥
ମୋର ଉପସ୍ଥିତି ହିଁ
ସମୟକୁ ଧାର୍ଯ୍ୟ କରେ
କେବେ କେତେବେଳେ
କ’ଣ କରିବା ନକରିବା
ତା’ପରେ ବି ନୟତି ସ୍ଥିର କରେ
କ’ଣ କିପରି କେମିତି ଘଟିବ ॥
ସମୟ ସ୍ରୋତରେ ତ ଆମେ
ଶୁଖିଲା ପତ୍ର ଗୋଟେ
ବାଳୁତ ସୂର୍ଯ୍ୟ ପରି
ସକାଳ ମଧ୍ୟାହ୍ନ ଅପରାହ୍ନ ସନ୍ଧ୍ୟା
ପରି ତ ଆମ ଏ ଜୀବନ ॥
ତଥାପି ସମୟକୁ ଜାବୁଡ଼ି ଧରିବାର
ନିଷ୍ଫଳ ଚେଷ୍ଟା କେବେ ବି ସରେନା ॥
– ଜ୍ଞାନ ରଞ୍ଜନ ପଣ୍ଡା
Comments
ଜ୍ଞାନ ରଞ୍ଜନ ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଲେଖନ୍ତି । ତାଙ୍କ ରଚିତ ଲେଖାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି । ଏତଦ୍ବ୍ୟତୀତ ସେ ଜଣେ ସମାଜସେବୀ ଭାବରେ ନିସ୍ୱାର୍ଥପର ଭାବରେ ଅନେକ ସେବାକାର୍ଯ୍ୟ କରନ୍ତି ।
