ଭାରି ରୋମାଣ୍ଟିକ୍ ସ୍ନିଗ୍ଧା ମହାନ୍ତି
ଭାରି ରୋମାଣ୍ଟିକ୍ ସ୍ନିଗ୍ଧା ମହାନ୍ତି

ଭାରି ରୋମାଣ୍ଟିକ୍ ସ୍ନିଗ୍ଧା ମହାନ୍ତି

ସ୍ନିଗ୍ଧା ମହାନ୍ତିର
ଶ୍ରାବଣୀ ବେଣୀର
ମେଘର ବାସର ବସା
ସେ ବେଣୀ ଝାଡ଼ିଲେ
ଚାତକ ମୁଁ ମରେ
ବଢ଼େ ହୃଦୟର ତୃଷା ।

ଏକ ଛତା ତଳେ
ମୁଁ ଆଉ
ସ୍ନିଗ୍ଧା ମହାନ୍ତିର ଦେହ
ଶୀତୁଆ ପବନେ
ତା’ ଭିଜା ଶାଢ଼ୀକାନି
ଲୁଚାଇ ଦିଏ ମୋ ମୁହଁ ।

ସେ ଚାଲିଥାଏ
ଆସ୍ତେ ପାଦ ରଖି
ସରୁ ରାସ୍ତାର ଧାରେ
ମୁଁ ତ ଚାଲୁଥାଏ
ଦେହ ତାତି ରଖି
ତା’ ଭିଜା ମୁହେଁ
ଚାହାଣୀ ମୋ ଭିଡ଼ କରେ ।

ଏଡ଼େ ଚପଳା ସେ
ସ୍ନିଗ୍ଧା ମହାନ୍ତି
ଜାଣିବି କହେନା କିଛି
ପାଖ ହୋଇ
ତା’ ଦେହେ ଗେଞ୍ଜିହେଲେ
ଜାଣିଶୁଣି ଯାଏ ଘୁଞ୍ଚି ।

ଏତେ ନଖରାମି
ଝିଅଟିର ଦେଖି
ମୁଁ ମନେମନେ ଭାରି ରାଗେ
ମୋର ଅସହାୟ
ଅବସ୍ଥା ପରଖି
ତାକୁ ଭାରି ହସ ଲାଗେ ।

ତା’ର ହସ
ଆଉ ମୋ ବତୁରା ପ୍ରେମର ରସ,
ଦୁହେଁ ମିଶିଗଲେ ଲେଖି ଦେଇଗଲି
ସହର ମଝିରେ
ତା’ ଓଠରେ ଓଦା ଓଦା ଉପନ୍ୟାସ ।

ଏବେ ଲାଗୁଥିଲା ମୋତେ ହସ
ଚପଳା ପ୍ରିୟା ମୋ ଲାଜେଇ ତ ଗଲା
ପଢ଼ି ଚୁମା ଉପନ୍ୟାସ ।

Comments

comments

ଅନ୍ୟମାନଙ୍କ ସହ ସେୟାର କରନ୍ତୁ...

Leave a Reply

Close Menu