କାଗଜ ଫର୍ଦରେ ଲେଖାଅଛି
ବୋଲି କୁହାଯାଉଛି
ବରଷକେ ବାର ମାସ ଓ
ଛଅ ଋତୁ ଅଛି
ନା ଶରତ,
ନା ହେମନ୍ତର
ପ୍ରଭାବ ଅନୁଭବ ହେଉଛି ।
ଜଳ ଅଶାନ୍ତ
ପୁଣି ବାୟୁ ଅଶାନ୍ତ
ମୃତ୍ତିକା ବି କ୍ଳାନ୍ତ
ତାତି ଯୋଗୁଁ ଧରା ବି ଆକ୍ରାନ୍ତ ।
ବିହଗର ବସା ପାଇଁ
ପାଦପ ଅଭାବ
ପ୍ରଶ୍ୱାସ ପାଇଁ
ଅମ୍ଳଜାନ ଅଭାବ
ତଥାପି ବଦଳୁ ନାହିଁ
ଲୋକଙ୍କ ସ୍ୱଭାବ ।
ଧରଣୀ ଗର୍ଭକୁ ଚିରି
ତା’ ଅଂଶକୁ କାଢ଼ି
କରାହେଉଛି ବେପାର
ବିଜ୍ଞାନର ବଳ
ଦେଖାଉଛି ପ୍ରକୃତିକୁ
ଏ ଅଜ୍ଞାନ ନର ।
ଭୁଲିଯାଇଥିଲା ନିଜ
ଜ୍ଞାନ ଅହଂକାରେ
ଯେଉଁ ଦିନ ପ୍ରକୃତି
ନିଜକୁ ନିଜେ ବଞ୍ଚେଇବା
ଆରମ୍ଭ କରିବ
ନରସଂହାର ହେବାରୁ
କିଏ ନରକୁ ବଞ୍ଚେଇବ ।
– ସୁନିତା ପଟେଲ
Comments
ସୁନିତା ପଟେଲ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
