ନୀରବତାକୁ ମୁଁ ବେଶି ଭଲପାଏ
ନୀରବତା ମୋର ପ୍ରେମିକା
ନୀରବତା ମୋ ନାୟିକା
ଯିଏ ମୋ ଆଖିର ସୁନେଲୀ ସପନ
ଜୀବନ ଗପର ନାୟିକା ॥
ଯଦି ବି ଏଠି ରାତିଗୁଡ଼ିକ ରଙ୍ଗହୀନ
ନିଦମାନେ ନିରୁଦ୍ଧିଷ୍ଟ ସଖୀ
ଅଜବ ଜୀବନ ରାସ୍ତା
ତଥାପି ନିଜକୁ ଏକୁଟିଆ ମନେ କରିନି
ନିଦ ନ ଆସିଲେ
ଚାଲିଆସେ ଛାତ ଉପରକୁ
କେବଳ ଦିଶେ ଜହ୍ନର ଚିତ୍ର
ଥରେ ଆଖି ବୁଲେଇ ଚାହିଁଦେଲେ
କୁଆଡ଼େ ହଜିଯାଏ ଏକାପଣ ॥
ନୀରବତାରେ ଯଦି ବି
ସ୍ୱପ୍ନମାନେ ସ୍ୱାର୍ଥପର
ମନ ଯଦି ମାୟାର ଚିତ୍ର
ପ୍ରତ୍ୟେକ ପ୍ରଶ୍ନର ଉତ୍ତର ମିଳେନା
ପ୍ରଶ୍ନଗୁଡ଼ିକ ଅସଜଡ଼ା ଅସଜଡ଼ା
ଉତ୍ତର ବି ସହଜ ହୁଏନା ॥
ଯଦି ବି ନୀରବତାରେ ମଜ୍ଜିଯାଇ
ଜହ୍ନକୁ ଦେଖିବାର ଅସୁବିଧା ହୁଏ
ଜହ୍ନ ତ ରାଗିଯାଏ ମୋ ଉପରେ
ଅଭିମାନ କରି କଳାବାଦଲ ତଳେ ଲୁଚିଯାଏ
ପୁଣି ଅଭିମାନକୁ ଧିର କରି
ଶୀତଳ କିରଣ ଢାଳିଦିଏ ମୋ ମନରେ
କାରଣ ଆମ ଭିତରେ ଥିବା ବନ୍ଧୁତାକୁ
ଜହ୍ନ ଠିକ୍ ବୁଝିପାରେ ॥
Comments
ରାମ କଲତା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ରଚନା କରିଥାନ୍ତି । ତାଙ୍କ ରଚିତ କିଛି ଗଳ୍ପ ବିଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି ।
