ଦେଖ,
ବଦଳି ଯାଇଛି ତା’ର ଚି଼ତ୍ର
ଅତ୍ୟାଚାରର ନିହାଣ ମୁନରେ,
ଦେବୀ ପରି ଜଳୁଥାଏ ସେ
ପ୍ରତିହିଂସାର ଜ୍ଵାଳାରେ ।
ବଦଳି ଯାଇଛି ତା’ର ସରଳ ହୃଦୟ
କାମନାର କ୍ରୁର ଅଗ୍ନିରେ,
ତଥାପି ଜାଳିଛି ସେ ପରିଚୟକୁ ତା’ର
ଅଦୃଶ୍ୟ ଏକ ଶୀତଳ ନିଆଁରେ ।
ବଦଳି ଯାଇଛି ତା’ ଜୀବନର ରେଖା
ଅସହଯୋଗର ହୀନମନ୍ୟତାରେ,
ତଥାପି ହଜାଏ ସେ ନିଜକୁ
ସେହି ନିୟତିର ଶକ୍ତ ବନ୍ଧନରେ ।
ବଦଳି ଯାଏ ତା’ର କୋମଳ କଳେବର
ତମ ଅହଂକାରର ଅଙ୍ଗୀକାରରେ,
ହେଲେ ବଦଳେ ନାହିଁ ସମାଜର ଦୃଷ୍ଟିଭଙ୍ଗୀ
ସ୍ୟଧୀନତାର ବହୁବର୍ଷପରେ ।
– ଶେଖ୍ ଜୁନେଦ୍ ଜାଫ୍ରି
Comments
ଶେଖ୍ ଜୁନେଦ୍ ଜାଫ୍ରି ଓଡ଼ିଆ ସମେତ ହିନ୍ଦୀ ଓ ଇଂରାଜୀ ଭାଷାରେ ବିଭିନ୍ନ କବିତା, ଗପ ଓ ତର୍କ ସମ୍ୱନ୍ଧୀୟ ଲେଖାମାନ ରଚନା କରିଥାନ୍ତି ।
