କଥା ଦେଇଥିଲି ସେ କଥା ରଖିଲି
ଦେଖ ମୁଁ ମୌସୁମୀ ଓଡ଼ିଶା ଆସିଲି,
ନବୁଝି ନସୁଝି କହୁଅଛ ତୁମେ
ମୁଁ ଯେ ତୁମକୁ ଧୋକା ଦେଇଦେଲି ।
ଆସିବାରେ ଟିକେ ବିଳମ୍ବ ହୋଇଛି
ହୃଦୟଙ୍ଗମ ତାହା ମୁଁ କରୁଛି,
ସେ ଲାଗି ଏମିତି ମନ ଦୁଃଖ କର
ଭାବିଲେ ମୋ ମନ ଦରବେ ଭରୁଛି ।
ଶୀତଳ ପରଶେ ଭରିଦେଲି ଦେଖ
ଓଡ଼ିଶାର ସବୁଠାରେ ବରଷିଲି,
ସକାଳୁ ମୁଁ ତୁମକୁ ଦେଖିବି ବୋଲି
ତୁମ ଘରଆଡ଼େ ବୁଲି ବାହାରିଲି ।
ହାଲକା ନିଦରେ ଶୋଇଥିଲ ତୁମେ
ଝରକା ଫାଙ୍କରୁ ଏହା ଦେଖିନେଲି
ଦେଖି ପାରିଲନି ତୁମେ ମୋତେ ସିନା
ଅଭିମାନେ କୁହ ଭୁଲିଗଲି ବୋଲି ।
– ସ୍ୱାତୀ ବନ୍ଦନା କର
Comments
ସ୍ୱାତୀ ବନ୍ଦନା କର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗଳ୍ପ ଓ କବିତା ଆଦି ରଚନା କରିଥାନ୍ତି ।
